Popular Bible Verses from Ɛksodɔs 32

Share

Mosis ka daŋ chɛr kebee na so nsaa maŋ ba manaŋ na nɛ basa na ba shɛr ŋ kulti Ɛɛrɔn nseŋ kaŋɛ mo: “Koso n lɔŋɛ ebɔrɛ ko n sa anyi nɛ e baa juŋkpar anyi. Ŋkpal manɛ so, anyi maŋ nyi kusɔ nɛ k wora Mosis, nɛ e juŋkpar anyi n lar Ijipt be kasawule so na.”

Ndoŋ nna nɛ Enyɛnpe Ebɔrɛ kaŋɛ Mosis: “Gbelge to manaŋ n yɔ, ŋkpal manɛ so, fo basa nɛ fo keta n lar Ijipt be kasawule so na wora kulubi m pal kaman n sa ma. B teŋ kini kebɛ mbra nɛ n sa bumo na so nseŋ ŋalga shuwa n lɔŋɛ kenabi a shuŋ nsaa lara esarga a sa kumo a kaŋɛ fanɛ bumo be ebɔrɛ mo nɛ a lara bumo ashi Ijipt be kasawule so na nna na.”

Ɛɛrɔn ka wu kusɔ nɛ k wora na nɛ e yuu bɔrɛsure n yili shuwa be kenabi na be anishito nseŋ kaŋɛ: “Echefo anyeeŋ wora bunyanso be kanyiŋi be kejigboŋ n sa Enyɛnpe Ebɔrɛ.” Kumo be ŋklade, chipurdidi nɛ basa na lara esarga chɔɔso nɛ kɔnɔkoŋwuleso be esarga. Kumo be kaman nɛ b chena n ji nseŋ nuu nsa mboo ŋ koso a wora kusɔjigaya be asheŋ.

Kumo be ŋklade kachipurso nɛ Mosis kaŋɛ basa na le: “Men wora kulubi gboŋgboŋi ga, ama meeŋ naŋ bɛta n dii kebee na so n ya kule Enyɛnpe Ebɔrɛ na ŋ keni ashere e beeŋ ta men be alubi m paŋ menyi.”