Popular Bible Verses from Kalatias 3

Share

Qhov kws Khetos lug ris peb tej kev raug foom phem, tub yog Nwg lug txhwv kuas peb dlim ntawm txuj Kevcai kws tau raug foom phem lawm; ruaqhov Vaajtswv Txujlug has tas, “Tug kws raug dlai rua sau ntoo, tug ntawd tub raug foom phem lawm.”

Yogle ntawd, yeej tsi txawv txaav dlaabtsi le, txawm yog cov Yudais lossis Lwmtsaav Tuabneeg, cov kws ua qhev lossis cov kws nyob ywjpheej, quaspuj lossis quasyawg, mej suavdlawg puavleej yog ib tug kws koomxeeb nrug Yexus Khetos.

Yog mej nyob rua huv Khetos, tes mej yog Anplahaas caajceg, hab mej yuav tau txais tej kws Vaajtswv tau coglug tseg lawm has tas nwg yuav muab pub rua mej.

Khetos ua le ntawd sub qhov koobmoov kws Vaajtswv tau coglug rua Anplahaas lawm txhaj yuav ndlwg ntawm Yexus Khetos moog rua Lwmtsaav Tuabneeg, hab vim peb txuj kev ntseeg, peb txhaj yuav tau txais Vaaj Ntsujplig lawvle Vaajtswv tau coglug tseg lawm.

Yogle ntawd, peb paub tseeb has tas tug kws coj lawvle txuj Kevcai, tsi yog tug kws Vaajtswv suav has tas ncaajnceeg, ruaqhov Vaajtswv Txujlug has tas “Tsuas yog tug kws ncaajnceeg rua Vaajtswv lug ntawm txuj kev ntseeg xwb txhaj tau txujsa.”