Peb yeej yog tuabneeg Yudais, peb tsi yog “Lwmtsaav Tuabneeg kws muaj txim” le kws luas tej hu puab. Tabsis peb paub tas tug tuabneeg kws Vaajtswv suav has tas ncaajnceeg tsi yog tug kws coj lawvle Kevcai has, tabsis yog tug kws ntseeg Yexus Khetos. Txawm yog peb los kuj ib yaam nkaus le ntawd, qhov kws Vaajtswv suav has tas peb yog tuabneeg ncaajnceeg tub yog vim peb ntseeg Khetos, tsi yog vim peb coj lawvle txuj kevcai. Ruaqhov yeej tsi muaj leejtwg kws Vaajtswv yuav suav has tas nwg ncaajnceeg vim nwg coj lawvle txuj kevcai.