Popular Bible Verses from Yawˇshuˆ 6

Share

Yawˇshuˆ-ahˇ Sahˬpaˬ Miˬyehˇ ehˇ nehˬ-eu, “Yeˬliˇkoˇ meuˬ-euˬ sahˬ paˬ hawˇ-eu aˬ yawꞈ-euˬ kʼaˆ dui dui-eu guiˇ deuˆ-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ, Yeˬliˇkoˇ meuˬ kʼoeˇ nawˬ-euˬ aˬ laꞈ laꞈ kʼoeˇ ngaˇ a nehˬ-eu ma.

Kʼoeˇ naˇ, aˬ yawꞈ maꞈ-ahˇ daˇ heh teˇ saˇ gʼawˬ mahˇ ni bi baw yeu gʼeh-awˬ. Teˇ saˇ kʼoeˇ naw maꞈ ya gaˬ-eu nehˬ-ehˇ, tsawˇ haˬ dawˬ tawˆ luꞈ guˇ kʼaˆ leꞈ-awˬ. Kʼoeˇ ngeh, meuˬ meuˬ lahˇ byaˆ le tehꞈ-a. Kʼoeˇ naˇ, guiˇ guiˇ maꞈ maꞈ lah-ehˇ meuˬ laꞈ kʼoeˇ uˇ leˇ-awˬ.”

Nawˇ hawˇ-eu guiˇ deuˆ-eu nawˬ-euˬ tsawˇ haˬ deuˬ koꞈ nah keuˆ ni tiˬ nah tiˬ poˆ meuˬ kʼoeˇ meuˬ-ahˇ cah jawˬ-awˬ.

Daˇ heh yuˇ luꞈ-eu piˇ ma shiꞈ gʼaˬ-ahˇ Dawˬ ma saˇ jaˇ Bahˬ keuˆ mehˬ shi bi cah-awˬ. Shiꞈ nah tiˬ nah-ahˇ, piˇ ma kʼoeˇ deuˬ daˇ heh baw luꞈ ngeh, nawˇ hawˇ-eu guiˇ deuˆ-eu nawˬ-euˬ tsawˇ haˬ deuˬ, meuˬ-ahˇ shiꞈ jawˬ cah jawˬ-awˬ.

Yeˬliˇkoˇ meuˬ-euˬ meuˬ lahˇ laˇ gʼoˆ deuˬ piˬ tehˬ taˬ-awˇ, Iˇsaˬleˬlaˆ tsawˇ haˬ deuˬ maˬ uˇ leˇ nya ni loꞈ jawˬ taˬ-euˬ meh. Tsawˇ haˬ tiˬ gʼaˬ-iˬ maˬ uˇ leˇ nya-eu uˬ taꞈ, doˆ kʼawꞈ maˬ doˆ le nya-a.

Shiꞈ jawˬ tiˬ jawˬ keuˆ laˇ-awˇ, piˇ ma deuˬ daˇ heh baw-eu lehˇ gʼeh ngeh, aˬ yawꞈ-euˬ tsawˇ haˬ deuˬ-ahˇ “Guˇ-awˬ” lehˇ Yawˇshuˆ dawˬ biꞈ nehˬ-awˇ, heu loꞈ-ehˇ ehˇ nehˬ-euˬ meh. “Meuˬ heu meuˬ Sahˬpaˬ Miˬyehˇ naw maꞈ-ahˇ biꞈ gʼaˬ-euˬ meh.

Meuˬ hawˇ-eu meuˬ laꞈ kʼoeˇ kʼaˇ jaˆ-eu yawˬ jeˬ na luꞈ, Sahˬpaˬ Miˬyehˇ-ahˇ lawˇ nehˬ-eu jeˬ loꞈ-ehˇ sawˇ-awˇ, geuꞈ-eu jeˬ maˬ ahˇ-ehˇ pyeuꞈ-iˇ ngeh keuˆ ni ya laˆ luˬ ya laˆ seˇ nehˬ meh. Meh maˬ laˇ Laˬhaˇ hawˇ-eu aˬ yawꞈ-euˬ nymˇ jiˇ-ahˇ tehꞈ-ehˇ maˬ laˆ luˬ maˬ laˆ seˇ nehˬ ni ya taˬ nehˬ meh. Aˬ jeˬ miˇ neh ehˇ naˇ, aˬ dui neh bi kʼoeˬ sho haw leˇ-euˬ tsawˇ haˬ-ahˇ aˬ yawꞈ sheuˬ zaꞈ nehˬ-euˬ meh.