Popular Bible Verses from Masmur 71

Share

TUHAN ti Pemadu Tinggi, aku manggaika pengandal ati aku ba Nuan. Aku endang udah manggaika diri ba Nuan kenyau ari aku agi biak.

Awakka Nuan nyadi pengelindung aku sereta nyadi kuta ti tegap nyaga aku, laban Nuan nyadika batu enggau kuta aku.

Aku deka seruran manggaika pengandal ati aku ba Nuan. Aku deka bebendar agi muji Nuan.

TUHAN, aku datai ngagai Nuan minta Nuan nyaga aku. Anang nejuka aku alah!

Aku muji Nuan sepemanjai hari, lalu madahka mulia Nuan.

Aku deka nusui pasal pemadas Nuan. Aku deka bejakuka pasal pengelepas Nuan sepemanjai hari, taja pen aku enda nemu semua utai nya.