Popular Bible Verses from Ephesianee 6

Share

Son cha vel shin gleck noi feill as fuill, agh noi ard-reiltee, noi pooaraghyn, noi leeideilee dorraghys y theihll shoh, noi olkys spyrrydoil ayns ny ardjyn er-nyn-skyn.

Guee dy kinjagh lesh dy chooilley phadjer as accan ayns y Spyrryd, as gys shoh er nyn arrey lesh slane tannaghtyn as aghin son ooilley ny nooghyn

Cur-jee erriu slane eilley Yee, dy vod shiu ve abyl dy hassoo noi kialgyn y drogh-spyrryd.

Shen-y-fa gow-jee hiu slane eilley Yee, dy vod shiu ve abyl dy hassoo magh ayns y laa seaghnagh, as lurg diu ve er yannoo ooilley, dy hassoo.

Harrystoo ooilley, gow-jee yn shleiy dy chredjue, dy vod shiu lesh shen ve abyl dy vooghey ooilley sideyn aileagh y drogh-er. As gow-jee yn helmet dy haualtys, as cliwe yn Spyrryd, shoh ta Goo Yee

Shass-jee er-y-fa shen lesh nyn meeghyn kianlt mygeayrt lesh yn irriney, as erriu yn breast-plate dy chairys; As nyn gassyn coodit lesh arryltys son y sushtal dy hee.

Er-jerrey, my vraaraghyn, bee-jee niartal ayns y Chiarn, as ayns pooar e hroshid.

Cur arrym da dty ayr as da dty voir, (shoh yn chied anney lesh gialdynys) Dy vod eh ve dy mie mayrt, as dy vod oo ve beayn er y thalloo.

Chloan, cur-jee biallys da nyn ayraghyn ayns y Chiarn: son ta shoh cairagh.