Popular Bible Verses from ሮሜ ዓጮ'' ዓሶም 12

Share

ኮሺ ሃሣ ዎዛሳያ፥ ፓጫ ባኣዚ''ያ ባኣያ ማዔ ፆኦሲ ማሊፆ ዒንሢ ዔራንዳጉዲ ዒንሢኮ ዒና'' ዓካዺ ላኣሚንቶንጎ፤ ጋዓንቴ ሓያ ዓጮ'' ዓሶኮ ፑርቶ ማሊፆጉዲ ማዺፖቴ።

ዓካሪ ታ ዒሾንሦ! ታ ሚሾንሦ! ፆኦሲ ዎዛሳያ ሃሣ ናንጊና ባይቁዋ ዒንጎ ባኣዚ'' ማሂ ዒንሢ ፆኦሲም ዒ'ንሢ ዒንጋንዳጉዲ ዓቶም ጋዓ ፆኦዛሢ ሱ'ንፆና ታ ዒንሢ ሺኢቃኔ፤ ዬይ ዒንሢ ዒንጋኒ ኮይሳሢ' ፒዜ ማዔያ ጎኔና ፆኦሲ ካኣሽኪሢኬ።

ሓጊ ማዓንዳ ባኮና ዎዛዹዋቴ፤ ሜቶ ዎዴና ጊቢ'' ዳንዳዑዋቴ፤ ቢያ ዎዴና ሃሣ ሺኢቁዋቴ።

ዬያሮ ፑርታ ማዾ ኮሹሞና ባባሼ፤ ፑርቱሞና ባሺንቲፖ።

ኪሪስቶሴ ዛሎ''ና ዒንሢ ዎሊኮ ጌርሲንሢ ሃሣ ጌሮንሢ ማዔሢሮ ዎሊ ዒናፓ ናሽኪንቱዋቴ፤ ሜሌ'' ዓሲ ዒንሢ ቦንቻስካፓ ባሼ ቦንቻኒ ኮዑዋቴ፤

ናሹማ ዒንሢኮ ዑሣ ማዒባኣ ናሹሞ ማዖንጎ፤ ፑርታ ባኣዚ'' ሻኣኪንቲ፥ ኮሺ ባኣዚ'' ዒናፓ ማዹዋቴ።

ዒንሢም ዳንዳዒንታያ ማዔቴ ዓሲ ቢያና ኮሹሞና ናንጋኒ ዒንሢ ማዻንዳያ ኮይሳ ባኣዚ'' ቢያ ማዹዋቴ።

ታ ዒሾንሦ! ታ ሚሾንሦ! ኮሜ ፆኦሲም ሃሹ''ዋቴ፤ ዒንሢሮ ኮሜ ዔኪፖቴ፤ ዓይጎሮ ጌዔቴ ፆኦሲ፦ «ኮሞ ማሃንዳሢ ታናኬ» ጋዓኔ ጌይንቲ ፃኣፒንቴሢሮኬ።

ቤልፁሞ ሃሺ''፥ ጉቤ ዒናፓ ጎዳ ዬሱሴም ዶዲ ማዹዋቴ።

ሓሣ፦ «ዒንሢ ፔቴ'' ፔቴ''ሢም ፆኦሲ ዒንጌ ጉሙርቂፆጉዴያ ሼሌዑሞና ማላንዳፓዓቴም ዒንሢም ኮይሳሢዳፓ ዑሣ ዓኣሢ፥ ዒንሢ ዼ'ጊዲ ማሊፖቴ» ጌይ ፆኦሲ ታኣም ፔ ኮሹሞና ዒንጌ ጎይፆና ታ ዒንሢ ዞራኔ።

ዓሲ ቢያም ኮሺ ባኣዚ'' ማዹዋቴ፤ ዓሲ ፑርታ ባኣዚ'' ዒንሢም ማዼቴ ዒንሢያ ፑርታ ባኣዚ'' ማሂ ማዺፖቴ።

ዎላ'' ፔቴ'' ማሊሢና ጊኢጊ ናንጉዋቴ፤ ዒንሢ ቶኦኮ'' ዼ'ጊሲ ዖቶርቂሢ ሃሺ''፥ ማንቆ ዓሶና ዎላ'' ፔቴ'' ማዑዋቴ፤ «ታጊዳፓ ሜሌ'' ዔሮ ባኣሴ» ጌይፖቴ።

ዬያሮ ኮሜ ማሃሢዳፓ፦ «ኔኤኮ ሞርካሢ ናይዼቴ ዒዛ ሙኡዜ፤ ዼኤቤቴያ ዒዛ ዑሼ፤ ዬያ ኔ ሂዴቴ ዒ ማዼ ማዻ'' ዼኤፒ ዻቢንቲ ማዔሢ ዒዛም ዔርታንዳኔ።»

ዒንሢ ዒፂ፥ ዳውሳዞንሢ ዓንጁዋቴ፤ ዓዓንጃንዳፓዓቴም ዔያቶም ጋዳንቂፖቴ። ዎዛዻ ዓሶና ዎላ'' ዎዛዹዋቴ፤ ዬኤካ ዓሶና ዎላ'' ዬኤኩዋቴ፤

ኪሪስቶሴ ጉሙርቃ፥ ዒንሢኮ ዒሾንሢ ሜቴቶ ማኣዱ''ዋቴ፤ ሾኦቺ ማዒ ሙካዞንሢያ ሾኦቺንሢ ዔኩዋቴ።

ኑኡኮ ፔቴ'' ፔቴ''ሢኮ ዑፆይዳ ዱማ ዱማ ቤሲ ዓኣኔ፤ ዬያ ዱማ ዱማ ዑፆኮ ዱማ ዱማ ማዾ ዓኣኔ። ዬያጉዲ ኑኡኒ ሚርጌታዖ ኪሪስቶሴና ኑ ፔቴ'' ዑሢኬ፤ ፔቴ'' ዑፆኮ ዱማ ዱማ ቤዞ ኑ ማዔ ጎይፆና ዎላ'' ኑ ካኣማያኬ።