Popular Bible Verses from Attu o Urumi 10

Share

Mwahimiachaka wo malhaku inyu wiira Yesu Kuristo phi Athithi ni urumelhelha munrimani mwinyu wiira Nlhuku ahonhihimusha nnookhwani, nnowoopolhiya.

Ukhalhawaya ntu arumelhelhaka munrimani nowaalhakelhiya ikekhia ni arumelhelhaka vamalhakuni nowoopolhiya.

Paahi etu, upisha nrima unowa wo wiiwa nttenga, ni nttenga unowa wo uhimiachiya malhove a Kuristo.

Malhove Matakatifu aneera, “Ntu riyoothe nonrumelhelha, khanoolhihiya muru.” Ukhalhawaya Ayahudi khamwalhanne ni attu Ayunani, Nlhuku phi yoyo ri Athithi athumwanaya attu onkhaye, ni o rera wa attu onkhaye anonlhepelha. Ukhalhawaya Malhove Matakatifu aneera, “Kila ntu nohalha ulhapelha wo nchina na Athithi, nowoopolhiya.”

Ni attu anohalha unhimiacha chani ahirumiye? Thoko malhove Orera chineera aya wo uhimia, “Vari voorera chinene vanowa aya attu o uhimiacha Malhove Oombone!”

Nansho anohalha unlhapelha chani uyo etu ahinonrumelhelha aya? Tho, anohalha unrumelhelha chani ahinaya umwiiwa? Ni ayo anohalha wiiwa chani vahiri ntu o unhimiacha?

Ukhalhawaya uwa wa Kuristo uhomalhiha Malhehero a ashinna Musa, ikhalhe wiira attu anrumelhelha aalhakelhiye ikekhia.