Popular Bible Verses from Itorati 1

Share

Apwiiya Nlhuku inyu, anouhoolhelhani, anokowaatakana anene wo nlhatu winyu, thoko choonilhe inyu apangaka Umisri ulhe, ni thoko chaapannge aya uthakoni ulhe. Voonne inyu chenre aya wo ukushani nkwaha wonkhaye, thoko naangoro nlhopwana chinonkusha awe mwaamwanawe, mpaka nkamwaaphiya vaa.

Apwiiya Nlhuku, Nlhuku a manyaapwiiya inyu, athepeke etu uwunchererani mikwaha elufu uthepa chiri inyu vano va, ni uvahani ibarakha thoko chilhenhe aya!

“Vaari ihu umwaakoni Usinai, Apwiiya Nlhuku, Nlhuku ihu ahoniirelha wiira, ‘Nhokhalhacha mahuku o uthosha vamwaakoni vaa.

Mwooneke, kihovahani umihoolho winyu ilhapo yonkhaye iyo. Paahi, nrwaacheke mwakhalhe yeyo ilhapo iyo, mii Apwiiya Nlhuku yaalhapenlhe aka waavaha manyaapwiiya inyu Aburahimu, Naisaka, Nayakhobo ni iyari chaya.’ ”

Nhimmwehe wiitho ntu riyoothe vanaamulha inyu milhatu, nlhikaaniheke wa attu onkhaye, olhupalhe ni ashikani. Nhimwoove ntu riyoothe vanohukumulha inyu, ukhalhawaya ihukumu inoromolha inyu inokhuma wa Nlhuku. Nlhatu uriyoothe wakhalhaka wo urikarika chinene uwannyu, mmwiiheke uwannyaka, ni mii kinowiiwelhelha.’