Popular Bible Verses from यहेजकेल 7

Share

“ ‘ओमन अपन चांदी ला गलीमन म फटिक दीहीं, अऊ ओमन के सोन ला असुध चीज समझे जाही। ओमन के सोन अऊ चांदी ह यहोवा के कोप के दिन म ओमन ला बचा नइं सकही। येह ओमन के भूख ला नइं मिटाही या ओमन के पेट ला नइं भरही, काबरकि येह ओमन के पाप म गिरे के कारन होय हवय।

राजा ह सोक करही, अऊ हाकिम ह उदासी के ओनहा पहिरही, अऊ देस के मनखेमन के हांथमन कांपहीं। मेंह ओमन संग ओमन के चालचलन के मुताबिक बरताव करहूं, अऊ ओमन के खुद के हैसियत के मुताबिक ओमन के नियाय करहूं। “ ‘तब ओमन जान लीहीं कि मेंह यहोवा अंव।’ ”

मेंह तोर ऊपर दया-दिरिस्टी नइं करंव; मेंह तोला नइं छोड़ंव। खचित मेंह तोर चालचलन के अऊ तुम्हर बीच के घिनौना काममन के बदला लूहूं। तब तेंह जान लेबे कि मेंह यहोवा अंव।’

मेंह तोर ऊपर दया-दिरिस्टी नइं करहूं; मेंह तोला नइं छोंड़हूं। मेंह तोर चालचलन अऊ तुम्हर बीच के घिनौना काममन के फर तोला दूहूं। “ ‘तब तेंह जान लेबे कि येह में यहोवा अंव, जऊन ह तोला सजा देथे।