Popular Bible Verses from Egvu-ọma 19

Share

Jiko Onye-Nwe-Ọha, t'okfu, shi mu l'ọnu mẹe iwhe mu l'arị l'ime obu mu dụje ghu rọo ree, nkele ọo ghu bụ oke-ẹwhuru mu, bụkwaruwho onye l'agbafụtaje mu nụ.

Iwu Onye-Nwe-Ọha dụkota ree. Oomeje t'obu shihu madzụ ike. Iwhe Onye-Nwe-Ọha sụru t'e meje ta angadụ anganga. Oomeje t'onye l'ẹte amarweta iwhe kabaa ọmaru iwhe.

Igwe l'owhu l'atụ ọnu gẹ Chileke dụ-be biribiri. Akpamigwe l'egoshi gẹ l'oomebe nka.

Iwhe Onye-Nwe-Ọha tọru ọkpa iya kfụkwaru nhamụnha. Oomeje t'obu tsọ madzụ ụtso. Iwhe Onye-Nwe-Ọha sụru t'e meje doru rịsaa. Oomeje madzụ t'ọ whụ-rweta ụzo ree.

Ọtsu Onye-Nwe-Ọha egvu bụ iwhe dụ ree. O je l'anọ jeye lẹ gbururu. Nsọ, Onye-Nwe-Ọha doberu bụ ezhi-okfu. Ọ kfụkotaru ọto kpamụ.