Popular Bible Verses from ISAIAH 53

Share

Ago ki kitoor agobo pistaosyekyok, ki kiguoten agobo tengekwogikyok: kinyooru kalyennyo eng' pirennyi; ak kisoobenech pirutikyik.

Ki uu acheek tugul keechiirek che ki kobetyo; kigosup age tugul eng' acheek ooreennyi; ak kigonde `Kamuktaindet ne Toroor ineendet tengekwogikyok acheek tugul.

Ki ip iman ng'waninwekyok, ak kigesen aragenosyekyok: ago ki kiit ineendet keele ki kibir, ki pir Kamuktaindet ak konyaliil.

Ki kisas, ak ki eesyo `piik ineendet; chiitap aragenosyek, ne ingen ng'wanindo: ak ki kisas ineendet ko uu chiito ne ung'e piik togoochikwak, ama kiit ineendet keele kiy.

Ki kinyalil, ago ki iming'ingei, ma twek; ki igei ineendet aarwetap keechiir ne ki kweryei kwo ole kieng'e, ko uu keechiiryet ne siisei eng' taitap piik che tilei koroorikyik; ee, ma twek.

Ago ki cham Kamuktaindet ne Toroor koguoten ineendet; ki igoochi arageneet; ye tuun iyai saboondanyi koek kagoochinet agobo tengekto, tuun keerei iyotennyi, tuun tesei peetuusyekyik, ak kotesak chametap Kamuktaindet ne Toroor eng' eunnyi.

Amu tuun eetu eng' tainnyi ko uu keetit ne ng'arng'ar, ak eetu ko uu tigityot eng' emet ne yaamaat: ma tinyei itoon anan korooronindo; ak ye kigeere ineendet koma mi korooronindo kot kecham.

Apchechini anyun ineendet kebeberta kobooto piik che eecheen, ak kopchei parunenik kobooto piik che kiimeen; amu ki igoito saboondanyi agoi meet, ak ki kiitito pistoik: ago kigesen tengekwogigap piik che chaang', ak ki sa agobo pistoik.

Tuun keerei che pitunee ng'wanindap saboondanyi, ak koyam; tuun iityin otwogindennyu ne po iman, imanda, piik che chaang', eng' naennyi: ak tuun ibei tengekwogikwak.

Ki kinam eng' suryet ak kirwookyi; ak ng'oo ne ibwaati eng' ibindanyi kole ki kiisto ineendet eng' emetap che saptos: Amu ki kibir agobo pistoetap piikyuk.

Ak ki yachi ineendet kererit kobooto kiptengegiinik, ago ki kitup eng' meennyi kobooto mogoreek; nganda ki ma yai koroomnateet age tugul, ama mang'une kutinnyi ng'aalseet age tugul.