Popular Bible Verses from ISAIAH 51

Share

Anee, aneendet ne agoigook: ii ng'oo, kot iywei chiito ne meei, ak iywei weeriitap chii ne kiyaei koek suswot

Ak kiande ng'aleekyuk kuting'ung', ak ki atugenen urwetap eunnyu, si kobiit amin kipsengwet, ak alume lumeiywegap ng'wony, ak aleenji Zion, ii pororyennyu.

Oepcha iit, okweek che ongen imanda, piik che mi ng'atuutyennyu mugulelwekwak: amoiywei chotisyetap piik, amoaragense amu churisyosyekwak.

Amu kagogaigai Kamuktaindet ne Toroor Zion: kagogaigai komoswekyik tugul che kigemeto, ak ki koyai ong'atennyi koigei Eden, ak koyai surkwenennyi koigei mbareetap Kamuktaindet ne Toroor; kinyoorchin olooto poiboiyet ak kaagaasetapkei, kobooto kongoi ak tyenwogik che rurei komyee.

Ak koweegegei che po Kamuktaindet ne Toroor che ki kityaach, ak kobwa Zion kotyenonu; ak tebee metowekwak poiboiyetap koigeny: nyooru kaagaasetapkei ak poiboiyet, ak komwei arageneet ak tigenet.