Popular Bible Verses from ISAIAH 49

Share

Tos imuuchi kwondo koutye lakweennyi ne chuchuni, kot koma riiree weeriit ne kisichei? Ee, imuuchi chuuto koutye, ago mautyenen.

Keero, ki asirchin rubeitap eunekyuk; mi tainnyu kotugul irimoiguk.

Ago mwaei Kamuktaindet ne Toroor kole, kirebe che kiimeen luulenikwak, ak kityaachi tugul che ki kiluulei, che po che imuisei: amu kibortosi ak ineendet ne poryenen, ak asaru lagoguk.

ee, mwaei kole, kiy ne ming'in iegu otwogindennyu, si kobiit ing'eet pororyosyek che po Jakobo, ak iweech che ki kiriip che po Israel: agoonin kogeny iegu lapkeiyetap Pororyosyek, si kobiit iegu yetunennyu agoi ole poochin ng'wony.

Otyense, ee kipsengwet; ak oboiboitu, ee ng'wony; ak otyense, ee tuloonook; amu kagogaigai `Kamuktaindet ne Toroor piikyik, ak koriiree piikyik che ki kinyalil.