Popular Bible Verses from CORINTHMIKO KÜRAO 15

Share

Süla azüneko akekhrüko, tha melü yite, rede releta kemo, Niepoo mhatholü ukhashu kesü, neko seba metse Niepoo la ne mhatho thi kesüko kemethu thita mo zo tila.

Vele Jihova meza pü uko Niepo Jisu yono keku khapü uko tsü sü kevala.

Mipo ukedova hikhe; mhapo kekri kesüla uzhokeveko jümerho vayo

Vele Jihova kelakeyi kekhrü la I tha hibi tate; mu pü kekhrü süo kemechü thi tamo vele I kekremiko ceri mhatho thi mekro kutate, siri I no mori Jihova kekhrü ayo keta thozo.

O kesao ntha dipüce ba? O mhakhreo nokukeyi dipüce ba? Kesa thasü kephoma mu kephoma keku sü thezho.

Hihe, I mha ketekhri tipü neko mese süto, uko metü zü taho; vele uko metü rede tato. Dopülü, umhü mhüphra kesü pülü, thecü kekhulü, thecü khusü ti tülü, kesamiko phu mesü pü ce mu retayi keholü sü vato, mu uko redetato.

Kekrelamori thümala kesa vorita, mu kesalü rhüla keyi sheri vorita. Adam la kesa vori, metüyo sübi Khrista lano kesalü rhüla keyi thümayo vorite.

Kekrelamori cemu reta keto hio thipü cemu retayi keholü süva moze kesula, mu sata keto zhühio thipü sata keho zhü thisü moze kesula.

Kekrelamori püpo kede thita ketola, pü ngomumiko metü khapü püphekhro kedüva kemothe. Ngomu thelathoo meka ketoo sü kesaozo.