Popular Bible Verses from 1 Petus 4

Share

Qhov uas tseemceeb tshajplaws huv tibsi, nej ib leeg yuavtsum hlub ib leeg tiag-tiag, rauqhov txoj kev hlub zamtxim tau rau ntau yam kev txhaum.

Nej txhua tus puavleej tau txais ib yam khoomplig los ntawm Vajtswv, yogli ntawd, nej yuavtsum siv tej khoomplig ntawd mus pab lwmtus kom muajnqis.

Tus uas qhuabqhia, nws yuavtsum qhuabqhia Vajtswv tej lus; tus uas pab ua haujlwm, nws yuavtsum siv nws lub dag lub zog uas Vajtswv pub rau nws, kom txhua yam uas nej ua, Vajtswv thiaj yuav tau ntsejmuag los ntawm Yexus Khetos. Thov kom Vajtswv lub koobmeej thiab lub hwjchim muaj nyob mus ibtxhis li. Amees.

Tiamsis yog nej raug kev tsimtxom vim nej yog tus ntseeg Yexus Khetos, nej tsis txhob txajmuag, tiamsis ciali ua Vajtswv tsaug rau qhov uas nej ris Khetos lub npe.

Lub sijhawm kawg ntawm txhua yam twb los yuav txog. Yogli ntawd, nej yuavtsum tswj nej tuskheej thiab nej tej kev xav, kom nej thiaj yuav muaj cuabkav thov Vajtswv.

Cov kwvtij uas kuv hlub, nej tsis txhob poobsiab txog tej kev tsimtxom uas los sim nej hnyav heev ntawd, hais tias uacas lam muaj tej yam txawv-txawv li ntawd los raug rau nej. Tiamsis nej ciali zoosiab hais tias nej tau koom nrog Yexus Khetos tej kev tsimtxom, kom nej thiaj yuav puvnpo txoj kev zoosiab thaum sawvdaws pom Nws tus tshwjchim uas ci ntsa-iab.

Nej ib leeg yuavtsum zoosiab hlo qhib nej lub tsev rau ib leeg, tsis txhob yws li.

Yogli ntawd, cov uas Vajtswv pomzoo cia raug kev txomnyem, lawv yuavtsum kubsiab lug ua tej haujlwm zoo, thiab tsosiab plhuav rau tus uas Tsim lawv, rauqhov Nws yeej ibtxwm ua rawsli Nws tau coglus tseg lawm.

Vim Khetos twb raug kev tsimtxom ntawm sab nqaijtawv lawm, yogli ntawd nej yuavtsum npaj nej tuskheej kom muaj txoj kev xav ib yam li Nws, rauqhov tus uas raug kev tsimtxom ntawm sab nqaijtawv, tus ntawd tsis ua kev txhaum ntxiv lawm. Yogli ntawd, txij no mus nej yuavtsum ua nej lub neej hauv ntiajteb no rawsli Vajtswv lub siab nyiam, tsis yog ua rawsli neeg lub siab nyiam.

Yog leejtwg txobthuam nej vim nej yog cov uas ntseeg Yexus Khetos, nej ciali zoosiab; rauqhov Vajtswv tus Ntsujplig uas yog tus ci ntsa-iab twb nyob rau hauv nej lawm.