Popular Bible Verses from ƐFƐSƆITIƐ 5

Share

Tei tɔwɔ wo ga Gala wõila lea, a ɣɛ ga Gala po‐kɔ̃ɔ bea. A wiɛ ziɛ ga wõila mavele è ɣɛ velei Kolai wõini la ga diɛ é ɣi kulo ƃɔɔ zu de ʋaa ma é ƃɔɔ wulo ga zalaɣa wũ‐nɛɛ‐nɛɛ é ƃɔɔ ʋe Gala bɛ.

A wɛlɛ na va ga pagɔ ga velei wa ziɛ la, wo mɛ lɛ kɛ ga velei titi beaitiɛ ta kɛɛ la, kɛ̀ wo kɛ ga kele‐ɣele beaitiɛ ta dɛi ɣavele. A ɣaa ƃaa ga pelei ɣaazɔ zɔi wa zoo da wo kɛ siɛgi nii ʋaa ma, ƃɔvɛlaale siɛgi nii zu yowũvɛ.

A mɛ lɛ ƃe ba dɔɔ ɔ́ wo zo, ƃɔvɛlaale na ɣa ga bɛlɛ lala luo‐woga. Kɛ̀ a ƃe ba Gala baa ŋinɛgi é wo yii laa ʋe. A wiɛ ƃɔɛ ɣiini pɔ ga Gala daa‐maa‐lɛɛ wui‐loa wiɛ gui nɛɛ‐nɛɛ too de maliɣii ma ga yii ɣaazɔ. A wiɛ mama fe de ɣeea Gala bɛ ga ɣee nɛpɛ ŋɛnii ɣaazɔ ʋaa ma de maliɣii Ziizɛ Kolai na daa‐zeigi zu.

Na ma a mɛ lɛ titi kulo. Kɛ̀ nii é ga de maliɣii yii‐mai a gaa ɣa.

Wai wo ga ŋaza kɛɛ vea, a wõi ga wo ŋazaitiɛ è ɣɛ velei Kolai wõiya la ga Gala pɛlɛi é ɣi kulo ƃɔɔ zu maʋaa ma

Ƃɔvɛlaale wo ɣɛni wɔlɔ ga ŋada ƃidia, kɛ̀ wa sa ga ŋada wodoa de maliɣii zaala zu. A ziɛ è ɣɛ ŋada wodoai zu vea.

A wolo ɣiini bɛ wiɛ kɛ Kolai na wũfe‐mai zu.

Zini‐bɛ veaitiɛ, a wolo wo wɔɔ veaitiɛ vɛ è ɣɛ wa ɣɛ kɛɛzu de maliɣii vɛ.

Nii pɛ ge ɣɛɛvɛ, wo ɣile‐giledai a wõi ga wo ŋazaitiɛ è ɣɛ velei wo ƃɔɔ wõini la. Wai wɔnɔ wo ga ŋazaitiɛ, a wɛlɛ na va ga wa wũfesu wo wɔɔ veaitiɛ ma.

Ponɛvɛ Gala kɔlɔi zu mawoi ga “Nii mazaƃui ma zunu ɣa ƃe keea va ta dee é ɣata ŋazai va. Na ɣa ɣɛɛ na te felegɔ te ɣɛ ga ŋɛni ɣila.”

A mɛ lɛ wɔɔ laa nɛpɛ too kpidi liitiɛ va. Te zu‐lɔnɔ lɛ ba. Kɛ̀ to mu a wiɛ te maʋaa wulo podo ɣala‐kala ga.