Popular Bible Verses from 1. Korinther 15

Share

Fasell, mei leevi breedah, shtaynd fesht, un losset nett nohch. Doond immah eiyah besht in di eahvet fumm Hah, fa diah visset es eiyah eahvet im Hah nett fa nix is.

Avvah dank sei zu Gott, deah vo uns di ivvah-hand gebt deich unsahm Hah Jesus Christus.

Losset eich nett fafiaht sei, shlechti kshvetzah fadauva en goot layves-lawf.

Avvah deich di gnawt funn Gott binn ich vass ich binn. Un sei gnawt uf miah voah nett fa nix. Fa ich habb haddah kshaft es si awl. Doch, es voah nett mich avvah di gnawt funn Gott mitt miah.

“Doht, vo is dei shtechah? Hell, vo is dei macht fa ivvah-hand nemma?” Da shtechah fumm doht is di sind, un di graft funn di sind is es Ksetz.

Heichet moll; ich sawk eich ebbes es fashtekkeld voah. Miah zayla nett awl shlohfa, avvah miah zayla awl fa'ennaht sei, un dess zayld bletzlich sei, imma awwa-blikk, vann's letsht blohs-hann geblohsa vatt. Fa's blohs-hann vatt geblohsa un di dohda zayla uf shtay, neemols may zu shtauva, un miah zayla awl fa'ennaht sei.

Fa so vi deich en mann da doht kumma is, so aw deich en mann is di uffashtayung funn di dohda kumma. Fa so vi im Adam alli-ebbah shteahbt, so aw in Christus zayld alli-ebbah levendich gmacht vadda.

Fa vass fafaula kann muss fa'ennaht sei zu sellem vass nett fafaula kann, un vass shtauva kann muss fa'ennaht sei zu sellem vass nimmi shtauva kann.

Eah muss ivvah-sayna biss Gott awl funn Christus sei feinda unnich sei fees gedu hott. Da letsht feind es zu nix gmacht vatt is da doht.