Popular Bible Verses from 1. Korinther 12

Share

Da Geisht veist sich in samm vayk deich yaydah mann fa's goot funn di gans gmay.

Diah sind's leib Christus, un yaydah is en dayl difunn.

Vann ay dayl leida dutt, doon si awl mitt-nannah leida, un vann ay dayl hohch ohksenna vatt, doon si awl mitt-nannah sich froiya.

Zu aym is es gevva deich da Geisht fa shvetza mitt veisheit, zu en anrah is es gevva fa shvetza mitt eisicht deich da saym Geisht, zu en anrah is da glawva gevva deich da saym Geisht, zu en anrah, da kshenk fa hayla deich da saym Geisht, zu en anrah fa zaycha shaffa, zu en anrah fa broffetzeiya, zu en anrah fa vissa vass fa geishtah es am shaffa sinn, zu en anrah fa shvetza in alli sadda shprohcha, un zu en anrah fa di shprohcha auslayya.

Avvah's is ay un da saym Geisht vo awl dess dutt. Eah gebt en kshenk zu yaydah mensh so vi eah vill.

so es kenn shpalding is im leib, avvah es di daylah awl seiya fa nannah.

Nau es sinn alli sadda kshenkah, avvah yusht ay Geisht. Un's sinn alli sadda vayya fa goodi verka du, avvah yusht ay Hah. Un's sinn alli sadda vayya fa shaffa, avvah da saym Gott shaft alles aus in alli-ebbah.

Un Gott hott samm in di gmay ksetzt, seahsht aposhtla, un's zvett brofayda, un's dritt teetshahs, noch sellem zaycha-shaffah, no anri mitt kshenkah fa hayla, mitt-helfah, ivvah-saynah, un selli mitt alli sadda shprohcha.

Fa's leib is nett uf gmacht funn aym dayl, avvah funn feel.

Nay, avvah da annah vayk rumm, selli daylah fumm leib vo's em dinkt es es shvachsht sinn, selli sinn nohtvendich.

Vann's gans leib en awk veah, vo veah's heahres? Un vann's gans leib en oah veah, vo veah's shmakkes? Avvah nau hott Gott di daylah in's leib gedu, yaydah vann vi eah hott vella. Un vann si awl ay dayl veahra, vo veah's leib?