Popular Bible Verses from Ekyamateeka Olwokubiri 30

Share

Mpita eggulu n'ensi okuba abajulirwa gye muli leero, nga ntadde mu maaso go obulamu n'okufa, omukisa n'okukolimirwa; kale londa obulamu, olyoke obenga omulamu, ggwe n'ezzadde lyo. Yagalanga Mukama Katonda wo, ogonderenga eddoboozi lye, wegattenga naye; kubanga oyo bwe bulamu bwo, era kwe kuwangaalakwo; olyoke otuulenga mu nsi Mukama gye yalayirira okuwa bajjajjaabo: Ibulayimu, Isaaka, ne Yakobo.

kubanga nkulagira leero okwagalanga Mukama Katonda wo, okutambuliranga mu makubo ge, n'okwekuumanga ebiragiro bye n'amateeka ge, olyoke obenga omulamu ozaalenga oyalenga era Mukama Katonda wo alyoke akuwenga omukisa mu nsi gy'ogenda okutuulamu.

Laba, leero ntadde mu maaso go obulamu n'obulungi, okufa n'obubi

Naye ekigambo kikuli kumpi nnyo, mu kamwa ko ne mu mutima gwo olyoke okituukirizenga.

Era Mukama Katonda wo aligonza omutima gwo n'ogw'ezadde lyo omwagalenga n'omutima gwo gwonna, n'emmeeme yo yonna, olyoke obe omulamu.

Mukama Katonda wo anaakuwanga omukisa mu byonna by'okola, olizaala abaana bangi n'ensolo zo ne zeyongera okwala era n'obaza ebirime. Mukama aliddamu okukusanyukira, nnaakuwa ggwe omukisa nga bwe yasanyukiranga bajjajjaabo

Naye omutima gwo bwe gunaakyamanga n'ogaana okuwulira, naye n'osendebwasendebwanga n'osinzanga bakatonda abalala n'obaweerezanga; mbategeereza ddala leero nga temulirema kuzikirira; temuliwangaalira mu nsi gye mugenda okutuulamu nga mumaze okusomoka Yoludaani.

Kubanga ekiragiro kino kye mbawa leero si kizibu nnyo okukyekuuma era tekiri wala.

Tekiri mu ggulu olyoke oyogere nti, Ani anaatulinnyirayo akituleetere, atusobozese okukiwulira tulyoke tukyekuume?

So tekiri mitala w'ennyanja n'okwogera n'oyogera nti Ani alituwungukira ennyanja, akituleetere, atusobozese okukiwulira tulyoke tukyekuume?