Popular Bible Verses from Proverbs 11

Share

Sigñataitchin, aasii sunnavsaaġniaqtutin. Ikayukkich allat, aasii ikayuusiaqaġniaqtutin.

Iñuum aitchuqtuutigiraġigaich atanġiḷaaqługu maniñi, aasii piññavsaaqłuni. Allaliasii anniqsrauturuaq, piiḷḷiulivsaaġhuni.

Iñuich arguaŋaruat kanŋunaqtuamun tikiññiaqtut. Isumatulhaaqtuq piunialaŋitchuni.

Nunaqpauruaq suksraunġiġñiaqtuq aullarraitkumi. Natqiksruirit ikayuutausuurut payaŋaiññiġmun.

Nalaunŋasiñiq iñuggutauruq, aglaan pimaqłuktaġniġum piiġñiaġaa.

Uqautikłiġuuruaq uqautisuġnaitchuq allanun iḷisimatquŋitchaġnik, aglaan uqautiyumiñaġiñ sunigliqaa ukpiġnaqtuaq iñuk.

Iliŋnun ikayuutauruq aŋalatchisuukavich. Aŋalatchimaqłukkavich, iliŋnun anniaġutausiññaqtuq.

Iliŋich umialgutimignun katagaaġniaqtut akutuqpaktun ukiami, aglaan nalaunŋaruat nauniaqtut akutuqpaŋisun upinġaam.

Umialgutit ikayuutauniaŋitchut uvluani tuqqutikpich, aglaan saglutautaiññiġum annautiniaġaa iñuggutin.

Nakuuguvich, igliġutigaatin iluaqtuam. Iñuich ukpiġnaitchuat maqutausuurut ilimik saglutautimignun.

Aġnaġigñiŋa aġnam iluaqtuakuaŋiḷḷaġmi qiññaqaqtuq qitiqłiaġutiliktun maniktun kaviqsuamik tuttuqłuum sigguatun.

Atanġum umigigaich iñuich saglutaġuuruat uqumaisilaaġutinik. Quviasuuttaġigaich iłuaqtuat uqumaisilaaġutit.