Popular Bible Verses from James 1

Share

Nato nanonameji, iji berarida bawari neide kainde itomane yaida gumbari gido, do yawa ewo. Imomane gari, rorae ro itomane gebé ari bavedo gaina ami ari imomane goroba edo matawa peposite bouga awa kundo mambawa.

Aindabé God mi embode rorae piain eite tekago jiaede, awatedo imomane embo da ainmi dubogari nei jipapa aina awa inono God de tedogari ainde dubogari piaina, edo God mi mana ari embo awa mengaina.

Ango edo nato dubobari nanonameji, aindabé emboda sinigambarimi ari God da buro dambu darari ari tao ae, awatedo imomane berarimi embo neida ge boraebé ingain ewo, edo ge mina boraebé tainyae, edo burigibé sinigambari eove.

Ata goroba edo matawa peposite bouga awa kundo maundo beaoda ewo. Ango edo imomane embobé badawo itomane umbugo inonobé are, ainda beyae da ji itae.

God da ge tepo ingido ewa awa eovekae. Ata God da ge ingido kera edo ewo! Edo imomane ainda ge ingido kera ae awa, imomane akuta udumbedo awa.

Dubodave awa embo ainmi bawari neide kainde ainda yai gumburi goroba edo petedo eira ainda. Edo imo davebé edo bawari daginegaina awa gido, God mi wasiri natopo itarida gobe embo ainde piaina ango tarigari sisina awa. Tau awa Badari mi embo imo dubobudo era ainde piain sisina.

Kando davegave berari edo kando beyae itaede berari awa utuda edo wotedo eira. Parara berari da Mamo mi kando angogo pisido eira. Roviravi pararade utuda itera ami wareregedo dugada gigitembedo era. Ata God awa ango ae. Imo awa dave iji berarida.

Embo da ainmi God da ge ingido kera ae edo eira awa ango embomi ainda dombu mina garada goteira. Embo ami ainda dombu gira, awarata, ainda amboda imo dodo maundo burigibé ainda dombu kariwa nongo nongori awa ruvegesira.

Mamo God kaenatomi tumondebain ari kotopu de beyae itae de awa jipapa edo eira engo: embomi popoiwo de rori garori de rorae nonda memesi eiworo gido awamane kondade edo eira, edo imo akuta dedegedo eira, butu embomai da wasiri bebegaemi imo jiurekae.

Aindabé God awa wasiri dambu darari, rorae bebegaemi imo bawari tao ae. Edo God imo akuta ami embo enembo mana bawaina. Awatedo iji nonde bawari emboda yai gumbari, “God mi na baveira,” ango teure. Ata emboda bawari engo idegedo eira. Embo dara dara ainda jipapa beyae ami imo dupeite gisijido eira.

Nameji rorae isisigaede awa, ainda dero ikane God da yaida isira, awatedo yawa are.