Popular Bible Verses from Epesisi 6

Share

Kaenane embo enembode duduno ae edo era, ata asisi bebegae ainkain butu embomai gisijido era edo awamaneda awara tarimi awamane sima edo era ainde, edo asisida babadegari bebegae ainmi muyaeda iji einde buro edo era ainde, edo asisi bebegae ikaneda itera ainde duduno edo era.

Edo Asisi Kotopu mi imomane gisijijieiari iji berari benunu tari de atega ari de berarimi God da kondade ari tedogiwo. Edo buro eiwa sima dave eite do itomane durainyae, edo God da embomai berari awaembo benunu matawa tedo ewo.

Edo God da itoro ari rorae berari awa kundo ombuwo, ami ari imomane inono petedo Binei da udumbari buro engiregave.

Awatedo God da itoro ari rorae berari kumbuwo, ami kondade ari iji nonde Binei ae ainda asisi bebegae demi gundo imondemane duduno aro awamane inono engiregave. Edo iji ainde itoro ari rorae berari awa dave jigamo edo awamane daginegedo petedo itawa.

Edo rorae berari matu bewa ainda tamonda, gebé ari awa itomane bere ango awa jiwo. Ami embo beyae da gi berari mendo beriberide augeiuri gundo eira awa inono dedo akeimaina. Edo God imomane matu toregesisina ami imomane dedegedo eira awa kotembewo. Kotembari eiwa awa gobe okain ango ami itomane kopuru dedegedo eira. Edo God da ge awa Asisi Kotopu da kasiwo ango. Awa kumbuwo.

Awatedo goroba edo petewo. Gebé awa itomane ipuda bupuri ango, awa jiwo. Edo wasiri dambu darari awa itomane opopoda bere ango, awa piewo. Edo God da béga barida bino daveda karigarida siya ari awa tai woru ango, awa itomane taida piewo.

Edo nato nanonameji, nato ge ambobéda awa eire. Badari da yai isite ainda goroba bajinabé budo goroba edo ewo.

“Ito mamo ae ai de tou edo eyo,” awa ge okain tuturoda God mi tarigaride sisina: “Ango eyo, imo wasiri dave budo iji ribori butuda itate.”

Mamai, imomane awa Badari da topo, awatedo aimamo itomane kera edo ewo. Wasiri eiwa awa dave.