Popular Bible Verses from KO TĀNIELA 8

Share

Pea te ne ivi lahi, kae ‘ikai fai‘aki hono ivi ‘o‘ona; pea ‘e fakaofo ‘ene maumau me‘a, pea te ne tu‘umālie ‘o fai atu; pea te ne maumau ha kau mālohi, pea mo e fa‘ahinga tapu. Pea ko e me‘a ‘i he‘ene ‘ilo‘ilo, ‘e tu‘umālie ai ‘a e kākā ‘i he‘ene fai ko ia; te ne fakapupula hono loto, pea te ne maumau ha tokolahi ko ‘enau nofo noa; ‘io, te ne fakauke tau ki he pule ‘o e ngaahi pule; kae maumau ia ta‘ekau ai ha nima.

Pea ne pehē mai, Sī ni, ko ‘eku faka‘ilo ē kiate koe ‘a e me‘a ‘e hoko ‘i he houhau fakamui: he ‘oku kau ‘a e vīsone ki he taimi fakamui kuo tu‘utu‘uni. Ko e sipi tangata na‘a ke sio ki ai na‘e nifo ua, ko e ngaahi tu‘i ia ‘o Mītia mo Pēsia. Pea ko e kosi tangata fulufulua, ko e Tu‘i Kalisi ia; pea ko e fu‘u nifo na‘e tu‘u ‘i he vaha‘a ‘o hono ongo mata ko hono ‘uluaki tu‘i ia.