Popular Bible Verses from 2 Timoti 2

Share

YaꞋan ulinga ka̱u adama a na Ka̱shile ku ushuku n avu. Okpo vuza vu ulinga u singai, vuza vu na u kupana wono ba, vuza vu na kpamu u kupecuku kadanshi ka mayun ka̱ Ka̱shile derere.

YaꞋan daꞋin n ili i na i kutuka̱ n kusheshe ku a̱shawuya ku yakpa, amma vu tono ili i na i kuzuwa wu kuyaꞋan ili derere. Tono kuneke ku ka̱ɗu n ucigi m ma̱ta̱na̱, ka̱ta̱ vu pana uyoꞋo wa aza a na i e kuɗeke kula ku Vuzavaguɗu n a̱ɗu a ciɗa.

Ka̱ta̱ agbashi a Vuzavaguɗu a yaꞋan kanananai ba, amma o yongo m ma̱riki u uma dem. Ka̱ta̱ a fuɗa kuyotsongusu uma o yoku mayin, ka̱ta̱ kpamu e reme a̱ɗu a̱ ubuta̱ u uma a na i babu ma̱riki.

Ko ci shirikpa̱ka̱ yi baci kucina̱, a̱yi wi a̱ kushirikpa̱ka̱ tsu ba, adama a na u kunana ka̱ci ka̱ ni ba.

O yotsongusu aza a na a iwain kadanshi ka mayun n ka̱ɗu ka̱ yuwu. U gaꞋan ba, Ka̱shile ki ta̱ a kusabaꞋa a̱ɗu a uma a nan lo, ka̱ta̱ ta na e neke a̱ɗu a̱ ubuta̱ u kadanshi ka mayun.

YaꞋan daꞋin n kadanshi ka kavama ka na ki a kucikpa Ka̱shile ba. Ili i nam pa i tsu zuwa ta̱ uma o goyo Ka̱shile.