Popular Bible Verses from Malakau 2

Share

Thaum Yexus hnov li ntawd nws txawm hais rau lawv tias, “Cov neeg uas tsis muaj mob tsis cheem tsum Kws tshuaj, tsuas yog cov muaj mob thiaj cheem tsum xwb. Kuv tsis yog los hu cov neeg ncaj ncees, tiamsis yog los hu cov neeg muaj txim.”

Thaum Yexus pom lawv kev ntseeg nws txawm hais rau tus tuag tes tuag taw tias, “Tub 'e, koj lub txim twb muab daws lawm.”

Thiab Yexus hais rau lawv tias, “Hnub Xanpatau yog tsim los rau neeg tsis yog tsim neeg los rau hnub Xanpatau.

Thaum lawv coj tsis tau nws los rau ntawm Yexus vim muaj neeg coob, lawv txawm yaws cov vuas ib qho ncaj ntawm Yexus nyob lawm saud. Thaum qheb tau ib qho lawm lawv txawm tso lub chaw uas tus tuag tes tuag taw pw ntawd dauv los.

Kom nej thiaj paub tias Neeg leej Tub muaj hwjchim hauv ntiajteb daws tau lub txim,” Yexus thiaj hais rau tus tuag tes tuag taw tias, “Kuv hais rau koj tias, cia li sawv tsees nqa koj lub chaw pw mus tsev.”

Qhov uas hais rau tus tuag tes tuag taw ntawd tias, ‘Twb daws koj lub txim lawm,’ thiab hais tias, ‘Cia li sawv tsees nqa koj lub chaw pw mus kev,’ qhov twg yoojyim dua?

Nws txawm sawv tsees tamsim ntawd nqa kiag nws lub chaw pw tawm mus tab meeg sawvdaws. Tej neeg sawvdaws thiaj phimhwj heev thiab qhuas Vajtswv hais tias, “Peb tsis tau txeev pom dua li no kiag li.”