Popular Bible Verses from Amateeka Agokubiri 8

Share

Aye Mwidhukirenga muti Musengwa Katonda waimwe, n'abagha amagezi okukombaghala, ng'atuukiriza endagaano ye yakola ni badhaadha baimwe ni ye buli eno.

Yaabaleka endhala yaabaluma, aye yaamala yaabagha mannu mwalya, emere ye mwali nga timulyangaku waire badhaadha baimwe. Ekyo yakikola okubeegeresa nti omuntu taba mulamu na mere yonka, aye aba mulamu lwa buli kibono Musengwa Katonda mwene ky'ayogera.

Era muteerabiranga nga Musengwa Katonda waimwe bweyabakulemberamu mu lugendo lwonalwona, emyaka gino amakumi ana mu irungu, ng'agendereramu okubafuula abawulize. Era yaabaleba, asobole okumanha ekiri mu myoyo gyaimwe, abone oba nga munaakuumanga ebiragiro bye.

Kale ni mulobenga kukoba mule muti, “Amagezi gaife n'amaani gaife n'ebitufuniisa obukombe.”

Musa yaayongera okukoba Abaisiraeli ati: “Mwekuumenga mulobenga kwerabira Musengwa Katonda waimwe, nga muloba okukuuma amateeka ge, n'ebiragiro bye, n'okulamba kwe, bye ndi kubagha olwaleero.

Kale ni mukimanhenga muti, ng'omuntu bw'akangaivula omwana we, ni Musengwa Katonda waimwe atyo bw'abakangaivula imwe.

Mwidha kulyanga mwigute, era musiimenga Musengwa Katonda waimwe olw'ensi engimu y'ali kubagha.”

Mukuumenga ebiragiro bye, mujiirenga ku ebyo by'abakoba, era mumutyenga.

Yabagha mannu mwalya mu irungu, emere badhaadha baimwe ye baali nga tibalyangaku.

Mulifuna emere ebamala, mwazimba amayumba amalungi era mwagasulamu. Era muligheza engo edh'ente, n'embuzi, n'entaama. Ni feeza, ni zaabu waimwe alyeyongera obungi, ghalala n'ebintu byaimwe ebindi byonabyona. Aye ebyo byonabyona nga bimaze okubaagho, mutagezangaku naire kwekuluntaza, ni mwerabira Musengwa Katonda waimwe eyabatoola e Misiri ye mwakolanga obwiru.

Musengwa Katonda waimwe, ali kubatwala mu nsi engimu, erimu emiiga n'ensulo edh'amaadhi agakuuluulira mu biiko ni mu nsozi. Ensi eyo ebaza engaano, ni sayiri, n'emizabbibu, n'emitiini, n'emikomamawanga, n'emyoliva, era erimu omudheenene ogw'endhuki. Mu nsi eyo mwidha kulyanga emere nga tewaagho, era timuubenga na kye mudhulirira. Embaale edh'omu nsi eyo dhirimu ekyuma ekigumu einho, n'ensozi dhaamu musobola okusimamu ekyuma eky'ekikomo.

Musa yaakoba Abaisiraeli ati: “Mutenga inho omwoyo ku biragiro byonabyona bye mbaghaire olwaleero, mubituukirizenga bukalamu. Olwo musobole okwala, mutwale ensi Musengwa Katonda ye yasuubiza okugha badhaadha baimwe.

Emyaka egyo amakumi ana, ebivaalo byaimwe tibyakairighaku n'ebigere tibyabazimbaku.

Yababisa mu irungu einene era eritiisa, omwali emisota n'ebiyiri eby'obusagwa. Mu irungu omwo omuzira maadhi, yaabafunira amaadhi okuva mu lubaale olubbalangufu.”