Popular Bible Verses from Amateeka Agokubiri 6

Share

Mugonzenga Musengwa Katonda, oyo Katonda waimwe, n'omutima gwaimwe gwonagwona, n'amaani gaimwe goonagoona.

Mubyegeresenga abaana baimwe. Era mubyogerengaku nga muli ghaka oba nga muli mu ngira mutambula, nga mulambaire oba nga musitwikegho.

Muteerabirangaku waire ekirala ku biragiro bino bye ndi kubagha olwaleero.

“Imwe Abaisiraeli muwulire: Musengwa Katonda, era Musengwa Katonda oyo yenka, ni Katonda waife.

Mubyesibenga ku mikono gyaimwe, era mubyetimbenga mu byeni byaimwe ng'akamanhiso.

Mubighandiikenga ku myango egy'emiryango gy'endhu dhaimwe, ni ku miryango gy'ebibuga byaimwe.”

Mutyenga Musengwa Katonda waimwe, mumusinzenga, era eriina lye lyonka lye mube mulayirenga.

“Nga Musengwa Katonda waimwe bweyasuubiza badhaadha baimwe, Aburahamu, Isaaka ni Yakobo, aidha kubagha imwe ensi erimu ebibuga ebikologho era ebirungi bye mutaazimba. Endhu dhaamu nga dhiidhwire ebintu ebirungi bye mutaataamu, era nga mulimu n'ensulo ensime dhe mutaasima, n'amasamba ag'emizabbibu n'ag'emiti emyoliva ge mutaasimba. Aye bwe munaamalanga okulya ni mwiguta nga muli mu nsi eyo, mwegenderezenga mulobe kwerabiranga Musengwa Katonda eyabatoola e Misiri, ye mwali nga mukola obwiru.

Agho Musa yaakoba Abaisiraeli ati: “Gano n'amateeka, n'ebiragiro, n'okulamba, Musengwa Katonda waimwe bye yandagira okubeegeresa. Mubituukirizenga mu nsi ye muli kumpi okwingiramu okutwala, ere nga musomoike omwiga Yorudani. Imwe n'abaana baimwe era n'abaidhukulu baimwe, mutenga mu Musengwa Katonda waimwe ekitiisa enaku edh'obulamu bwaimwe dhoonadhoona. Mutuukirizenga amateeka ge goonagoona n'ebiragiro bye, bye ndi kubagha, mughange okughangaalira mu nsi eyo.

Mukolenga ebyo Musengwa Katonda by'abona nga bituufu era nga birungi. Olwo musobole okuba obukalamu, n'okwingira okutwala ensi enungi, Musengwa Katonda ye yasuubiza badhaadha baimwe.

Bwe mulisinza bakatonda abandi, obusungu bwa Musengwa Katonda bulibatumbukiraku ng'oti muliro bwabasaaniagho, kuba Musengwa Katonda waimwe oyo aba mu imwe, enkikidi emugema ku lw'abantu be.

Mutasinzanga waire omulala ku bakatonda amaghanga agandi be gasinza.

“Mutalebanga Musengwa Katonda waimwe, nga bwe mwamuleba e Massa.