Popular Bible Verses from Amateeka Agokubiri 5

Share

“ ‘Mughenga balata baimwe ni bainhaimwe ekitiibwa, nga nze Musengwa Katonda waimwe bwe mbalagira, olwo mughange okubanga obukalamu era mughangaalire mu nsi ye ndi kubagha.

Mujiirenga ku ebyo byonabyona Musengwa Katonda waimwe bye yabalagira, mughange okuba obukalamu, mughangaalire mu nsi ye muja okutwala.”

Ebintu ebyo mutabisinzanga, kuba nze Musengwa Katonda waimwe ndi wa nkikidi ku bantu bange. Abo abankyagha mbabonereza, era naabonereza n'abaana baibwe n'abaidhukulu, okutuukira irala ku luse olwokusatu n'olwokuna. Aye ndholeka okugonza okutakoma eri abantu enkumi n'enkumi abangonza, ni bagondera ebiragiro byange.

“ ‘Muteekoleranga kibaadhe oba kiwumbe ekifaanana ekintu kyonakyona ekiri ghaigulu ku igulu, oba ghansi ku nsi, oba waire ekiri mu maadhi agali ghansi agh'ensi.

Mutasinzanga Katonda wundi okutoolaku nze.

“ ‘Mutakozesanga liina lyange nze Musengwa Katonda mu bya matamatama, kuba nze Musengwa Katonda waimwe tija kuloba kubonereza oyo yeenayeena akozesa eriina lyange obubi.

Kale ngoli baba n'omwoyo ng'oti n'ogwo buliidho, ni bantya era ni bakuumanga ebiragiro byange byonabyona! Olwo beene n'abaidhukulu baibwe bandibairenga bukalamu enaku dhoonadhoona.

“ ‘Mukuumenga olunaku lwa Sabbato nga lwange, nga nze Musengwa Katonda waimwe bwe nabalagira.

“ ‘Muteegwanizanga baka beene. Muteegwanizanga ndhu dha bantu bandi, waire enimiro dhaibwe, waire abairu baibwe abasaadha oba abakazi, waire ente dhaibwe, oba endogoyi, oba ekintu ekindi kyonakyona eky'omuntu owundi.”

“ ‘Mutayendanga.

“ ‘Mutaghanga ku bantu budhulizi bwa bulimba.

“ ‘Mutatemulanga.

“ ‘Mutaibanga.

Mwidhukirenga nga mwali bairu mu Misiri, nze Musengwa Katonda waimwe naabatoolayo, nga nkozesa amaani n'obuyinza bwange. Kyenva ni, mbalagira okukuumanga olunaku lwa Sabbato.

Muli n'enaku mukaaga edh'okukolerangaku emirimo gyaimwe gyonagyona. Aye olunaku olwomusanvu, lwa Sabbato yange nze Musengwa Katonda waimwe. Olwo mutalukolerangaku mulimo gwonagwona waire imwe beene, waire batabane baimwe, waire baghala baimwe, waire abairu baimwe abasaadha oba abakazi, waire ensolo dhaimwe, waire abasenze be musuza. Olwo abairu baimwe abasaadha n'abakazi, boona baghange okuwuumulanga ng'oti niimwe.

‘Ninze Musengwa Katonda, oyo Katonda waimwe eyabatoola mu Misiri, ye mwali nga mukola obwiru.