Popular Bible Verses from Amateeka Agokubiri 1

Share

Musengwa Katonda waimwe abakulemberamu, n'aidha okubalwaniragho, nga bwe mwabona byonabyona bye yakolera e Misiri ni mu irungu. Mu lugendo lwonalwona lwe mwatambula nga muli eyo mu irungu okutuusa lwe mwatuuka mu kifo kino, mwabona Musengwa Katonda waimwe nga bweyababbeeda, ng'oti n'omuntu bw'abbeeda omwana we.’

Neeghemba Musengwa Katonda oyo Katonda, Katonda wa badhaadha baimwe, ayongere okubafuula abangi emikuzi lukumi (1,000) okusinga bwe muli buti, era abaghe enkabi nga bweyabasuubiza.

“Bwe twali ku lusozi Sinai, Musengwa Katonda waife yatukoba ati, ‘Ekiseera kye mumaze ku lusozi luno kimala.

Eyo n'ensi nze Musengwa Katonda ye nasuubiza okugha badhaadha baimwe Aburahamu, ni Isaaka, ni Yakobo, ni baidhukulu baibwe. Yiiyo ngibooleike, muje mugitwale.’ ”

Mutasalirizanga mu nsala yaimwe, muwulirisenga ensonga edh'abaavu n'edh'abakombe mu nsambo n'endala. Mutabangaku muntu yeenayeena ye mutiisa maiso, kuba emisango mugisala mu buyinza bwa Katonda. Era ensonga enaabanga ebalemye, mugireetenga ye ndi ngiwulire.’”