Popular Bible Verses from 1 Korinto 5

Share

Meneng se kedegdagan te punù insolat ko kenyo, eked kaw kepakay megdoma te otaw egpemenal aw eglayok te kenà kandin esawa, aw egkeibeg te kwarta, aw egsimba te kenà benal timanem, aw egbaet-baet, aw eglasing, aw egpenakaw. Eked heman kepakay pengkey komaen kaw doma te otaw egpemenal aw medaet se eg-inangen din iling kenyan.

Tenani niyo se peg-inang te salà amon mekeiling kaw te pan wedad yist eg-inangen te menge Judiyo te pista te pegpengaen dan te pan kenà eglebag aw pegpengiyaw dan te karniro. Iling kaw den te pan wedad yist, aw si Cristo se iling te karniro, so inimetayan sikandin amon ipelowà kidon din lekat te salà.

Se menge otaw wedà pemenal te Timanem, eked kidon peg-okom kandan, so Timanem se meg-okom kandan. Meneng se menge otaw egpemenal, yan se okomen niyo aw medaet se eg-inangen dan. “Pelowai niyo se otaw sìyan mig-inang te medaet.” Yan se kagi te Timanem insolat.