Popular Bible Verses from Ñwaè' Fileèpaêi 2

Share

Wèe fa gèe yuu njo' ŋwɛ̀ ce ròo à rcàa ŋwɛ̀ ka', kɛ̀ njo' ŋwɛ̀ ce kòŋ à rnàa nyor ka'. Ŋwɛ̀ wɛɛwɛ lor yi tu njep nshè, yɛ enɛ ŋwɛ̀ mò' à càa ye. Ŋwɛ̀ fa kù ce kwà'shi ba àmbò yi tu ka', ŋwɛ̀ wɛɛwɛ kwa'shi àmbò bèe mo' foŋ.

Yè ndèe à ba ba àmbo yì Jisos Krâis.

E m ba àmbò Nyʉ̀ yu nà, a ka' ba wa'a, a ke' ce ghèter enɛ e be kù cu àmbò Nyʉ̀ yu nà ka'. E m mà'shi nta' gòr ca, a lor yi tu njep nshè a ba àmbò ŋkwàa wa'a. A m bi ye à ŋwɛ̀. E ka' ba ŋwɛ̀ wa'a, a ker lor yi tu njep nshè a yu'ni nè Nyʉ̀ a byemi à rkwe; a ka' kwe a kwe ba rkwe ce embe kìntaa.

Yu Nyʉ̀ ce e ce fà' njep wěe mntee, a ce gèe enɛ wèe koŋ à rgèe yuu ce e ce ròo, à ker ba ye ce e ce fa wèe ŋger à rgèe yuu anà.

A mbùu ce Nyʉ̀ à nàa ye mbekì, a fa ye rlii ce li càa mlii wɛɛwɛ, enɛ buu wɛɛwɛ ba bèe wɛɛwɛ ce a yu mbe bùu, a ker ba mbe tunshe, ker ba bèe ce a yu mbà yir a yu' rlii Jisòs bo gʉ'shi, suŋ enɛ Jisos Krǎis yu Tàr, tɛ bkù'sì vi ba nè Nyʉ̀ Tàr.

Wèe ka' ce gèe ka' njɛ̀ɛ kɛ, wèe fa ce rʉ̀ʉrʉ ka', fà dì' yuu yi bo ba ce a taa wèe àtu mo ka', tɛ wee mntee vi ba brara. Gèe nè wa'a tɛ wèe bo ba boo Nyʉ̀ ce a tʉr fàa ka', a ce cu à mʉ̀ ŋgǎa bsàrbuu, a ce raa à wǎp mʉ àmbò mkàŋsì wa'a.

Bkar wâ, banɛ yi bòŋ enɛ wèe yu'ni nè mɛ̀ sè'ni ce m yu njìsàp na, yu'ni nè caa àmbò wèe à m ce yu'ni nè mɛ̀ à nfè' ce sèe à m ba nà. Wèe ku ce fa', ce kaŋ nè rwɛp-ŋwɛ̀ tɛ wèe bo mìsi koni rlùŋ.