Popular Bible Verses from Ñwaè' Fileèpaêi 1

Share

M rìŋ bòŋboŋ mɛnɛ Nyʉ̀ ce e m kɛ̀' a gee li rfà' ce rbòŋboŋ ca njep wěe mntee be kù dù kùntombì nè rfà' anà, caar dù bà' à nfè' ce li be kè mì à nòŋ ce Jisòs be vʉ̀ nà.

M ce loo nè wèe enɛ le rkòŋnì li ku' du kùntombì, gee tɛ wèe yi buu Nyʉ̀, kèr rìŋ jɛɛ jɛɛ efa yuu bòŋboŋ ba yuu bebep, tɛ wèe bo co' yuu ce yi bòŋ a caa mo', e kè ba à nòŋ ce Krǎis be kèr vʉ̀ nà wee mntee vi bo ba brara tɛ yuu yi ke' ba ce e taa wèe àgho ka'.

À ka' ba àmbò mɛ̀, m ka' cu mbe tunshe na m ku ce lɛ̀ mmir ba mbendù Jisos Krǎis. Mɛ̀ ka' kwe, ba sɛ' nè mɛ̀.

Mɛ̌ ke yòŋshi yà Nyʉ̀ à nfè' wɛɛwɛ ce m ce kwà'shi àmbò wèe.

Yuu mo'sir yi yu enɛ yè ndèe ba le rcu li ku ba yɛɛnì àmbò Nsuŋ Mbòŋmboŋ Jisòs ce ròo enɛ li ba, ka' mɛ̀ ka' vʉ yɛ wèe, kɛ̀ mɛ̀ vʉ̀ ka' ɛ̀, m bo kù yu' mɛnɛ wèe tɛɛ tatap, a tʉr rkwà'shǐ rmo'sir, a ker ce rè nè ntee mo'sir tɛ Nsuŋ Mbòŋmboŋ ce wèe à byemi àgho bo dù kùntombì.

Yuu mo'sir ce m ce ròo, a ce kè' mɛnɛ yi koni nè mɛ̀ yi yu enɛ m fa kè gèe yuu ce yi be koosi mɛ̀ rìtu ka'. Yi yu enɛ m tʉr ba ntee tatap sè'ni àmbò mɛ̀ m ku tʉr nà à nfè' sìp tɛ m bo kù fa rlii rgòr nè Jisos Krǎis nè yà nyor. Kɛ̀ m be cu ntèe ɛ̀, kɛ̀ m be kwe ɛ̀, m ku ce ròo ba à rfa rlii rgòr nè ye.

Nyʉ̀ à fa wèe njì enɛ wèe fa kù byemi nè Jisos Krǎis byemi ka', e fa enɛ wèe yɛ ŋgɛ' a yě tù foŋ.