Popular Bible Verses from Ñwaè' Áfásoès 6

Share

Sèe ce mà' bìr ca ba sèe bèe wèe ka'. Sèe ce mà' ba sèe byʉ' bbebep wɛɛwɛ ce vi tʉr ŋger mbekì. Byʉ' bbebep ca yu byʉ' ce vi ce sa', a tʉr ŋger, a tap njep ŋgòŋ ce yi yu à tʉ̀'nji na.

Loo nè nè Nyʉ̀ à nfè' wɛɛwɛ. Wèe à ka' ce loo wa'a, wèe ma'shi tɛ Yʉ' Rara yi gee tɛ wèe riŋ à rloo. Cu nè njo, ke' sɛ ka'. Loo nè nè bèe Nyʉ̀ wɛɛwɛ à nfè' wɛɛwɛ

Yar nè buu bìr wɛɛwɛ ce Nyʉ̀ à fa wèe tɛ wèe bo tami nyor à rmà' bìr àgho, fà dì' Satàn bo' wèe nè bfee kwɛ̀ɛ ka'.

Banɛ wèe lor buu bìr ce Nyʉ̀ à fa nè wèe nà, tami nyor àgho, tɛ Satàn e vʉ̀ nà, wèe bo mà' bìr bòŋboŋ, gwè ka'. Bìr ca ka' mî, tɛ wèe bo kù tɛɛ tatap.

Mo' foŋ yi yu enɛ à lɛ̀ ntee nè Tata Jisòs, tɛ ntee ce wɛ̀ lɛ̀ anà yi ba àmbò byɛɛ bìr, tɛ mjɛɛ Satàn ce mor yi yu à cùu mo mi bo koo njo. Lòr nè rlùŋ tɛ li ba àmbò rtaa ŋwɛ̀ mà' bìr wa'a. Lòr nè kàafà' ce à fa ba Yʉ' Nyʉ̀ a fa nè wèe. Kàafà' ca yu blǎa Nyʉ̀.

Tɛɛ tatap, tami nyor àmbò ŋwɛ̀ mini tɛ mini ca ba àmbò ŋkànda ce ŋwɛ̀ mà' bìr à kur njep mbùu. Mà'shi tɛ yo ŋgèe yi ba yɛɛnì. Njɛ̀ɛ ŋgèe ca yi tɛ'shi wèe àmbò yuu ce ŋwɛ̀ mà' bìr à yar a tɛ'shi yì ŋgùŋ àgho wa'a. Lòr Nsuŋ Mbòŋmboŋ ce e ce suŋ àmbò cumʉnyaŋ ce Nyʉ̀ ce fa nè bèe, tɛ e ba àmbò blaba' ce ŋwɛ̀ mà' bìr à yar, fà dì' à bo gwè ka'.

Yuu ce m ce làa elʉ̀simbùu yi yu enɛ àmbò wèe Tata Jisòs wèe yu àbee na, tɛɛ nè tatap, koni ŋger ese ye ce e tʉr ŋger gòr.

Ncir entòmbì ce mkà'ni mi yu àgee mo yi yu enɛ̂, “Yu'ni nè yo ta ba yo mâ.” Mkà'ni anà mi yu enɛ̂, “Tɛ buu bo ba yɛɛnì nè wɛ̀, tɛ à cu à ŋgòŋ ca njìsàp.”

Boo, yu'ni nè nè wêe bta ba wêe mmâ. Yi yu yɛɛnì enɛ bèe ce a yu àbee a Tata Jisòs wèe a gee wa'a.