Popular Bible Verses from Ñwaè' Áfásoès 2

Share

Sèe yu bo rfǎ' Nyʉ̀. E gèe sèe Jisos Krǎis wèe à ba àbee tɛ sèe bo gèe mfǎ' mmbòŋmboŋ ce Nyʉ̀ à m lɛ̀ enɛ sèe gêe.

Yu njo' ntee bòŋboŋ ca ce wèe à m lùŋ efa rkwe à nfè' ce wèe à m byemi nè Jisòs. Cena yi m lò ba ese wèe ka'. Nyʉ̀ à m fa nè wèe à cicì. Sèe à koni rbòŋ ca njo' yuu mo' ce sèe à gèe ka', fà dì' ŋwɛ̀ mò' bo nàa nyor enɛ e gèe yuu mo' a ka' koni ka'.

Ka' yi m ba wa'a, ŋkoosimnse Nyʉ̀ à m càa ŋger, e ker koŋ sèe magòr. À m ba à nfè' ce sèe à m ce gèe buu bbebep, a ba àmbò bèe ce a kweŋger nà, Nyʉ̀ à gee sèe à kʉtì btèe sèe Jisos Krǎis wèe. Yu njobè' ntee bòŋboŋ ce Nyʉ̀ à m tʉr nè sèe, ce sèe à lùŋ efa rkwe.

À ka' ba njo' Jisos Krâis, Nyʉ̀ à naa sèe mbekì àbee sèe wowèe, a gee sèe wowèe à cu mbe bùu.

Banɛ wèe ce wèe yu Jus ka' na, wèe ker bii bkìlò kɛ̀ bèe ce a ce càa càa ka', wèe yu boo ŋgǎa nshe wèe bèe Nyʉ̀ wèe, a ba bèe embe ndàp Nyʉ̀. Wèe yu ŋgʉ̀' mò' efa ndàp Nyʉ̀ ce a boo. Bèe ce a m ba ŋgǎa ntuu nè Jisos Krâis, ba ŋgǎa ncep ntuu Nyʉ̀, a ba kùundap anà. Jisos Krǎis yu lùr rbuu ndap anà