Popular Bible Verses from JESAYA 30

Share

Ditsebe tša lena di tlo kwa ka nthago ga lena ge go thwe: Tsela še! Tšeang ka yona! Le se fapogele ka go le letona le ge e le go la ntsogošo!

Ke ka baka leo ge Morena a sa fele pelo, gore a be a le šetše; ke ka baka leo ge a ema, gore a le gaugele. Gobane Morena ke Modimo wa molao. Ba ba letetšego yena e tlo ba ba mahlatse bohle.

Gobane Mong wa bohle, Morena Mokgethwa wa Isiraele, o itše: Le tlo phologa ge le ka boa, mme la iketla; maatla a lena ke go ikhomolela le go holofela. Fela, le ganne

Le ge Mong a bohle a le fa dijo tša mahlomola a le nosa meetse a mahloko, Molai wa lena a ka se hlwe a iphihla; mahlo alena a tlo mmona, Molai wa lena.

Ka kgonthe, wena setšhaba sa Tsione of dutšego fa Jerusalema, o ka se hlwe o lla; o tlo go gaugela ruri; ge a kwa o mo llela, o tlo araba.

Kotsi e tlo wela bana ba dinganga! O realo Morena. Ke ba go loga maano ba se ne nna; ba go lakana ba se ne moya wa ka, ba go hlatlamanya dibe.