Popular Bible Verses from Jemisi 3

Share

Hu'neanagi monafinti erami'nea knare antahintahizana, ese'zana agru huno mani antahintahiza me'ne. Rimpa fruma huno mani'zane, miko kna akoheno mani'zane, rumofo ke antahimi'zane, asunku hu'zane knare'zane aviteno nemanie. Mago'mofonkuke hu'zana omaneno tamage avu'avake hu'zane.

Aza amu'nontamifintira ama antahintahine mika zampima anihu vahera mani'ne? Ana knare antahintahi'a atrenkeno knare erizama'amoki, avufa anteramino mni avu'ava zamo, erinte ama hino.

Rumokizmima zamarimpa fruma erinezamiza vahe'mo'za, zamarimpa fruzamofo avimaza nehankrazanki'za, nena'ama vasagesazana fatgo avu'avaza hamaregahaze.

Krimpa mugi'zane, kavufa antemareri'zama me'nesifina, miko'mako havi avu'ava'zane fatgo osu'zana me'nenigenka kegahane.

Tagnefunanu Rantimofone, Anumzanena ra znagia nezanamita, ana tagnefunanura Anumzamo agra'gna retro huzmente'nea vahe'mokizmi sifna kea hunezmantone. Ana agipintike asomu kene, sifna kenena atineramie. Nenfugta nasarehetanena e'inahu'zana omneno.

Hagi tagefunamo'a tevegna hu'ne. Tagefunafina kefo kemo avite'neankino, amne ana miko kavufamofona eri haviza hugahie. Amne ana miko kavufga teve kampina avrenente. Ana tevea teve kuma'mo taginte'ne.

Hianagi vahe'mo'a, agefunamofo kegva krino, azeri agazonea osugahie. Vahe'mofo azeri fri avuatgazamo avitegeno, kefo kemoke atirami vava hugahie.

Nenafugtane nasarahetanena rempi huzami vahera rama'amota manisune hutma ontahiho, na'ankure tamagra ko antahi'naze, maka rempima hunezamumota Anumzamo'a hanavetino keaga hurantegahie.