Popular Bible Verses from 1 Pita 3

Share

Hianagi tamagu'afina Kraisina atrenkeno ruotge huno Rana nemanina, tamagrama fore'ma hanigu amuhama nehutma tamentintima nehaza zanku'ma tamantahima kesageta, maka knafina tro hutma mni'netma, antahinezamita akohetma fru kefinti kenona hunezmanteta, tamagu'tamagesafina ama' huta fatgo hutma maniho. E'inahu'ma hanutma, Kraisi'enema knare'ma hutma mni'naza zanku'ma havigema humaneramantesia vahe'mo'za zmagazegu hugahaze.

Na'ankure fatgo vahe'mokizmia Anumzamo'a avua anteno kegva hunezmanteno, nunamuzmia antahi nezamie. Hianagi havi zamavu'zmavama nehaza vahe'mokizmia, Anumzamo'a zmefi huzamino ha'renezmante. (Sam-Zga 34:12-16)

Tamagrama a'nemotma tamazokama ki hariritma kolire tamavasese nehutma, kukena nehutma, amega tamavufgare konariri huzankukera osiho. Hianagi tamagu'afi havizama osania avasesezana, fru huno akoheno mani avasese'za hiho. E'inahu avasese zanku Anumzamofona avenesie.

Iza'o knare hu'na manisue huno agesa nentahino, knare knama kesiazanku'ma avesintesimo'a, kefo kema huzankura agefuna kegva nehuno, agipintima havige huzankura kva hino. Kefo avu'avazampintira atreno, knare avu'avaza nehuno, rimpa fruma huno mni'zanku hakeno avaririno.

Hagi makamotma magopi fru hutma nemanitma, vahe'mokizmia tamasunku hunezmantetma, kogna hutma nemanitma, tamagu'areti so'e tamavutma nehutma, tamagu'a anteramita maniho. Vahe'mo'za havizama huramantesagetma, nona hutma haviza huozamanteho. Kema huhavizama huramantesageta, nona hutma kea huhavizana huozmanteta, tamagra Anumzamofo antahigenkeno asomu huzmanteno, Anumzamo'ma tamagima hu'neana, e'inahu hnazegu tamagi hu'neankitma, asomura tamagra erisanti haregahaze.

Tamagrama hanavetitma so'e tamavutamava nehnageno'a, iza tamazeri havizana hugahie?

Kefo avu'avazampintira atreno, knare avu'avaza nehuno, rimpa fruma huno mni'zanku hakeno avaririno.

Na'ankure Anumzamofo avesi'ma me'nenigeta tagrama knare tavutavama nehanunke'zama, tazeri havizama hanazana, knare hugahie. Hianagi tagrama havi tavutavama hanunte'ma, knama tamisazana havizantfa hugahie.