Popular Bible Verses from Kañaam 103

Share

Iwi uhaaş wi naan, beeban Yawe Nawat Kabuka, wutan kaţilma nin uko uloŋ ţi iko inuura yi adoluŋ !

Nawat Kabuka ajaaŋ amiirën buţaan bi naan bŧi, kajebanaan ţi mmaak mi naan bŧi. Nawat Kabuka ajaaŋ abuuranaan pkeţ, kadëmanaan wi aŋalnuŋ abot añagi'aan. Nawat Kabuka aji wulën bnuura bŧum ŋnuur bŧi, kaşë kak nahalu kawo ji ubaŧa unkţiiŋ.

Iwi uhaaş wi naan, beeban Yawe Nawat Kabuka, iwi uhaaş wi naan bŧi, beeban katimul kayimanaan !

Jibi ñaaŋ ajaaŋ añaga babukul, hënk di Nawat Kabuka ajaaŋ añaga banjaaŋ baŧiinka.

Jibi pŧaal palowiiruŋ na kayoba, hënk di ajaaŋ alowan nja pjuban.

Nawat Kabuka aji ñaga, kaŧiink mnţëg, aanji ŧar udeeb, aji ŋal te mnţo.

Nawat Kabuka aanji ţo katen ipekadu yi nja, aanji kob nja kakob kanŧaaŋuŋ na buţaan bi nja. Jibi baţi badëmuŋ, hënk di uŋal wi nul udëmuŋ ţi banjaaŋ baŧiinka.

Nawat Kabuka abëkan pşih pi nul du baţi, aşih iko bŧi.