Popular Bible Verses from 1 Corinthians 2

Share

Awarate jiwari mi sira, “Ro embo mi gae edo ingae edo ro bugadira awa embo mi kotae awa God embo mi dubo budo era awasedo God mi sia etira.”

Awarate embo ave Asisi Kotopu bae embo awa umo mana Asisi Kotopu da kando awa mana badira. Edo embo einda yei Asisi Kotopu da kando awa rora mina nembodiba de aera. Ko embo ainda yei da Asisi Kotopu da gorotu rora awawa be moka de aera ainda be awa umo jaro jaro edo ira awasedo. Edo umo jaro bujura edo ira ainda be awa Asisi Kotopu uso jo da atae awasedo.

Awarate God uso Asisi Kotopu mi uso jo ge awa ingodenaso yei isaga etira. Edo Asisi Kotopu mi rora berari da torido edo eura edo ira. Edo umo God da kotari tuda unjugari ainda torido eura edo God umo ro adi kotira awa gosira.

Edo ingodena embo busu da atima era amimi kotedo era da awodo awa kotae ra awarate Asisi Kotopu God mi itiri bugusira awa ingode burisera. Edo ingode God umo ingodena awasedo burigi ro adi dipapa ira awawa gorase sedo God uso Asisi Kotopu itiri bugusira.

Edo na embo busu da atima era ainda jiro gari mi God da binga awawa ingoda yei atopatae ra te na ingo atopapoteono God da goroba de uso Asisi Kotopu de mi ingoda yei isaga edo isira. Awasedo ingoda tumonda ari da tutuvi susu awa busu da embo atima era ainda jiro gari awa aera te ingoda tumonda ari da tutuvi susu awawa God da goroba ra.