Popular Bible Verses from Roma 11

Share

Yoma Uplerlawna ed mak kakoki-kayapi hare honona. E' ed mak kodi plolli la hare honona, me Enakoki-nayapi hare honona pa nodia ya'uli-yawedi la E'a. Pede ina-nara ama-hyali, mai pia ta'uli-tawedi tamuki-tahepur la Orgahi-Orha'a Uplerlawna-Mempulwatnu pa nodi liarni. Amin (Plola).

Uplerlawna-Mempulwatnu, O' ed mak kden la tutullu-lolo'oni! O kirkirmu-ralma-riormu wniatetmu-wnianehemu narehi-nalawan memna. Ralma-riormu ta'enniana amparor nana. Hota he' ed maka kakot nohora lira-tun muaka Ompuet la? Me he' wal pia mak kna'erit nana la'a hya' maka Mhi' nan oleka rena?

Hota emeknekama ha rhorat targa la Puka ralamni riwra: “He' ed maka kat niohora Orgahi-Orha'a ralma-riorni? He' ed maka hota kano'a-kanatga E'a?

Pede hota emkade walia la dodo'ondi. Uplerlawna e Nwalir dioinia Israel riy doma pa E gahani yoma la'a E sniayanni la ira. Enwalir nian ira onnila sniayanni la' ira. E' edonna Namkek la ira hihi'ini-yapyapni. Yoma maka ha riwra sniayanni plollola de edonna namkek la riy hihi'ini-yapyapni wniehwani-liakatni.

Hota tawalliohora riy Yahudi la'a Saitun tutnu-akni maka rhamin doin la au Saitun ida. Ne Yahudi atia' miy re emolmolan nekama Saitun akni maka rhamin doinia la wo'ora-kawru pa rma rtapla la'a nhiamin gen die, la'a Saitun tutnu-akni mulaliaini de letgarni. Pa hota emolmolan nekama tutnu-akni maka rhamin doin la de nlernana ruri-lai la au Saitun de, de hota miy mliernan walia ra'a-palu yoma Uplerlawna nnio'oni la Yahudi re upni-tgarni. La' hade pede yan memmemna mpiarwah'a nana riy Yahudi maka Uplerlawna Nwayotlia, la'pa emkameni la ir de emekwalima Saitun akni maka ha rhamin dodioinia. Mere la'pa mimiwra mrian inonmi la Yahudi re, mhioratreria! Miy di de emeknekama ha ak tio'a miy. Ne au aki ho'mana hota edonna nalla ga'arni na'ana, mere ga'ar de ed mak kalla ha'akni de na'ana.