Popular Bible Verses from Nhiara 139

Share

MATROMA! A ino'nu maka Omukoki-muyapia, de samomuounu nee! Hya' maka ha Mhi' nana re honona rhi' a pua u'uli-uwedi O'a, yoma agat niohora hya' maka Mhi'a re de samomuou memna.

Uplerlawnu ne! Pena Omumkek rer nieka a ihru-ralmu! Ne Mtia'ag a' pua totpena Muatg a ralma-rio'ru. Matroma! Mumkek teka yanpa ralma-riora yatyata-halala ed ma'u? Ne la'pa etla de Muwiru-muwewla totpena alier la loi-talla plollola totpa hota agor O pa nodi liarni!

MATROMLAWNU ed maka kakoki-kayapia ih'u-ra'ru. Mhi'a plu'wu-pleheya (teliti) a lia la' ler maka a'g ed ma't la' i'nu apannu ralamni.

La'pa adien ma'ta la a i'nu puhuni-apannu de O matmu e nod rer lia mai a'u. La' ler maka a i'nu edon nmor dioin ma'ta a'u ho'mana lera wo'ir maka hota amuormiori la nohkeran di wawannu di, Omtiulsi oleka la O pukmu ralamni.

Hadi de Daud nhiar ya'ulli-yawedni maka ha rala la mak khi' o'ta la mak kwatunu-kwahniara: MATROMLAWNU nee! Omumkek rer nieka a ihru-ralmu pede Omuat niohor oleka a wua!

Hota alia liola loi-talan meni totpena uhal doinia O'a?! Hota aliol talan meni pa uwlar olietlet la O'a totpena matmu nloi lia mai a'g oo?

Omuat niohora momuoga a hihi'u-yapya'pu. La'pa a'g etla olietlet ho'mana, Omuatg oleka wa hare honona mak awuaror nana re.

Me la'pa a'g edonna ultier mia't ho'mana, Omuat niohora oleka la'a hya' maka agiwra ukota-ulde'eta.

Omuat niohora alia' hanmeni me arien a lia hanmeni. A hihi'u-yapya'pu tulla-knia'ru honona re, Omuat niohor momuoga.