Popular Bible Verses from Mat 6

Share

à to kia pɔ Lua kpà ń lá ì to wà kɛanɔ nao yã dɔaaɛ́ gĩ́a, i pɔpiɔ kãfĩɛ́ pii.

Ayãmɛto ásu ziayã kãakɛo, asa zia a azĩa kãakɛ. Gɔɔpii ń a taasioɛ.

Ayãmɛto malɛ oɛ́, ásuli á wɛ̃ni kãakɛ pɔblea ge imia yãmusuo. Ásuli mɛ kãakɛ pɔkasaɔ yãmusuo. Wɛ̃ni dɛ pɔblealao le? Mɛ dɛ pɔkasalao le?

Mpi, tó nlɛ wabikɛ, gɛ̃ n kpɛa, ní gbata, ní wabikɛ n Mae pɔ ku we asii guuwa, n Mae pɔ asiiyã dɔ̃ i sinnɔ.

Àli wabikɛ à mɛ: Wá Mae pɔ ku musu, to wà n tɔ́ kuaadoakɛ dɔ̃, to kia pɔ ń kpà mɔ́, wiɔ n pɔeã kɛ dũniau lá wì kɛ luabɛwa.

Wá gba u pɔ wá ble gbã.

Wá tàaeɔ kɛ̃wá, lá wi gbɛ̃́ pɔ taaekɛ̀wɛ̃ɛɔ kɛ̃wa.

Nsu to wà fu yɔ̃awao, wá kɛ̃́ Ibiisiwa.

Tó a gbɛ̃́ɔ kɛ̃̀ ń ń tàaeɔ, á Mae pɔ ku musu a á kɛ̃́ sɔ̃ɛ.

À gwa bãɔwa. Aali pɔtɔ̃o, aali pɔkɛkɛo, aali pɔ ká dɔ̃ guuo, kási á Mae pɔ ku musu ì blɛ kpamáɛ. Á dɛ bãɔla maamaaɛ fa!

Ásu aizɛɛ kãaaázi tɔɔlɛ lao. Lakĩi kɔ̀ɔɔ ń pɔ tãnkpakɛao ì pɔ ɔ̃ɔkpau, mɛ́ kpãiɔ ì gufɔ̃ aa pɔɔ sɛlɛ. À á aizɛɛ kãaa luabɛ. Wekĩi kɔ̀ɔɔ ń pɔ tãnkpakɛao lí pɔɔ ɔ̃ɔkpauo, mɛ́ kpãiɔ lí gufɔ̃ aa pɔɔ sɛ̀lɛo. Gu pɔ n aizɛɛ kuu, wekĩi n laai ìɔ kuu.

Gbɛ̃e lí fɔ̃ zɔblè dii mɛn plaɛo. Aɔ za gbɛ̃doguɛ, iɔ ye gbɛ̃dozi. A na gbɛ̃dowa, i saka gbɛ̃dogu. Á fɔ̃ àɔ zɔble Luaɛ n ɔ̃aoo.

Sɛ̃a lá pɔ ku gbã mɛ́ a tɛkũ ziapi, lá Lua ì pɔ nai màa, apiɔ, wa á pɔ o lɔe? Luanaaifɛ̃nɛndeɔ!

Mpi, tó nlɛ taaside gba pɔ, nsu to n ɔzɛɛ dɔ̃ lá n ɔplaa lɛ́ kɛo. To n gbadaa kɛ asiiyã ũ, n Mae pɔ asiiyã dɔ̃ i a fĩabonɛ.

À laaika á yãmaakɛa gupuauzi. Ásuli kɛ gbɛ̃nazĩna wɛ́ yãio. Tó álɛ kɛ màa, á ai'e á Mae pɔ ku musu kĩio.

Tó á lɛyea sɔ̃, ásuli oosisi lan mɔafilideɔwao. Aaì ń oa fɛ̃nkpa kɛ́ wà e wà dɔ̃ wa lɛyeaɛ. Sĩana malɛ oɛ́, aa ń ài èn we kɔ! Mpi, tó ń lɛyea, oopi, ní nisidɔɔ, kɛ́ wasu dɔ̃ ń lɛyeao, sema n Mae pɔ ku asii guu baasio. N Mae pɔ asiiyã dɔ̃pi i a fĩabonɛ.