Popular Bible Verses from Rom 8

Share

Tama dago koneani, te augwaligo aga dali dwagi yai homu eyu godolo mu ebo we bidi, te we bidibolo pedalabo sę tigidali te Godigo digi dodolama, tama te sę tigidali te we bidi dabeba pedaluyu augwali tau sabo dao. Te we bidi augwali te Godigo ma saiba po wali we bidi augwali tama agai augwali sa munama i wai dao.

Awe, eno tede konealubo homu mu dąų wali, te magi nai me deligo da te Godigo godolo ebo sęde munu me dagala sągobeo. Ma te augwaligo da ela mubo, ma da bidibadi dago sęgę tolobo, ma ensel mobo bidi dabe, ma te dwai haubo mobo bidi dabe, ma te tǫde bidibo tobolu bidi dabe, ma megi elalubo nai, ma te nosali pedalabo nai, ma te dagalude bomo elalubo dwai bage, ma te moni sia dabo bulude bomo elalubo bage, ma te meba gasade elalua pabo Godigo nigali nai, te tigidali nai dabego te Godigo dade dwagi yai homu eyu godolo mu ebo kolesaga te dagala sąwainogo ebo usu me egobeo. Te dago Genuai Bidi Krais Jisasgo yali sęgo te Godigo aga dade ebo godolo ebo kolesaga dabolo ola mawai dao.

Te bugagia tonalubo kolesagago da tau sabo dao. Te tebo kolesagade me te Godigo Tedali Mobo Bidigo te da bomo meni yai bidi me tau sabo dao. E tiwai dao, dago te God dali gedu haluasa po wabo tų te kuna gisiga konebo menio. Tiali goli Godigo Mobo Bidigo digi da tau siyu, Godibolo gedu haluasa po wabo dao. Agai homude bomo eyu tama te hę wabo tiwai eyu, te pusisąbo pogo agai Godibolo te po wabo dao.

Te Godigo te da tau sabo sę hauwa po odobaso, tama dago magi po Godigo te ebo sę dabede waibawe? E tama naga dao, te Godigo da tau sobaso, teda dego da dali boi bidi elama tama da aiyaba elalugowe? Woo, bidi mu menio.

Te da Kraisde tialubaso, God agai da aga gedude te doloba pai we bidi dao te po wabo dao. Tama tibaso, Godigo da Krais Jisas dali wadolali we bidi dali po tų eyu tama sęgę dabolo magobeo.

Te augwa homude elalubo dwai sę ilibo kolesagaba naga homu dąų wabo we bidi, augwali da dwai sęgo dolama te bidada peyu bidada pogobeo. Tiali goli bidigo homugo te Mobo Bidigo wiegi yai kolesagaba homu dąų weyu da, te bidi te bidibo ula bidiyu, tama homu nagame elama bidada peyu, bidada paibao.

Tiali goli, te augwaligo da dali te tobage dwai sę yali goli, Godigo da dali dwagi yai homu eyu godolo mu ebaso, tama agai da tau selama, tama dago te tobage sę tigidali aiyaba mu elaluaibao.

Te da e tǫde bidibadi te da God wali pabo we bidi dali dwai homu ebo bagego dabolo dene dali sęgę dali mabo dao. Tiali goli eno te Godigo dabolo nosali maiabo ula yai bomo dali, haniani wiegi yai nai dali, te naide eno homugo kone palobo si, te eno e po wabo dao, “E, te eno megi tolobo sęgę te genuai menio, te dwasianunu naga dao, te olo nai tiwai dao,” eno te homu ebo dao.

Te Kraisgo da dali dwagi yai homu eyu godolo mu ebo kolesagade te da mena nai mugo dagala sąyabo nai menio. Ma te sęgę daba pedalobo si da, ma dago dene tolobaso, ma bidigo da dolobo si da, ma augwaligo da nasi ilabo sę ebaso, ma da gudubo ugwa meni baso, ma augwaligo da te dwai bulude bidimainogo ilibo sę ebaso, ma augwaligo da hwągo ela mubo si da, tama te tobage sę ebo dabego da te Kraisgo da dwagi yai homu eyu godolo mu ebo sęde dagala sągobeo.

Tama te bidigo homu tomode elalubo nai subo bidi God, agai te Tedali Mobo Bidigo ebo homu konebo dao. Magi baso meni, te Tedali Mobo Bidigo te Godigo homu kolesaga wali peyu tama da Godigo we bidi tau siyu te gedu haluasa po hanalubo dao.

Te Godigo Mobo Bidi wali bilibo we bidi augwali tigidali te Godigo wai dabe bidibo dao.

Te augwa homude elalubo dwai sę ilibo kolesagade bilibo bidi dabe, augwali te augwaligo homu kolesaga te poloba yali sęde naga homu dąų weyu tebo dao. Tiali goli te Tedali Mobo Bidigo ebo kolesagade bilibo bidi dabe augwali da, te augwaligo homu kolesaga te Tedali Mobo Bidigo naiba homu dąų wabo dao.

Agai aga Ogwa digi te dabolo mawainogo homu si me ebeo. Menio. Agai aga tagala palali te agai da tigidali tau sagasomainogo olo tagala palalio. Agai aga Ogwa digi da tau somainogo mobaso, teda mu tama dao, agai homugo te gasa nai me tigidali te olo mu dabolo te aga dali mawaibao.

Te Mobo Bidigo digi agai dago mobo noma bidi tau siyu tama dago homu tomode hania hanilama, da te Godigo wai puluba bidibo po wabo dao. Tama da te Godigo wai dabe bidaligo da, teda nosali dago te Ayago nai me saibao. Awe, te dago Godigo nai saibao, te nai me dago Krais dali saibao. Te megi dago Godigo sę eyu tama Krais dali dago te dene tolobaso da, teda dago aga dali te genuai nogi me te ula yai bomo me, te me dago aga dali nosali saibao.

Te bidigo homugo te dwai sę ilibo kolesaga wali pobaso da, te tebo bidigo God dali boi bidi ebo bidigo tibo dao. Magi baso meni, aga te Godigo bomai po dologode me bidibo menio. Mu tama, agai te bomai po wali pabo usu egobeo.

Te nosali Godigo da ugwaba selama, tama da agai wai dabe te hania hanilaibao. Tama te sę yabo sogo asobo te Godigo nigali tigidali naigo tonaluyu bidibo dao, te bidi aga homu memenege eyu, tama aga wiegi yai nai asobo sogo tonalubo tiwai gilama.

Dago koneani, tigidali nai Godigo nigali, te tigidali dene eyu te hę wabo tiwai ebo dao, te wego wai ame nainogo dene ebo tiwai ebao. Tama Godigo nigali nai tigidali te dwai hę weyu bidali, te megi e sogoba usu nagasobo dao.