Popular Bible Verses from Ding Kasebian 6

Share

Ating pitung bage a kasaman na at e apanupaya ning GINU: Ing pamagmaragul, ing dila na ning malaram, ing gamat a makamate karing taung alang kasalanan, ing kaisipan a mimisip e mayap, ding bitis a mabilis darapat e mayap, ing testigu a e magsalitang katutuan, at ing taung panibatan na ning pamipate da ring mikaluguran.

Ding taung matamad sukat lang makapagaral king pamibiebie da ring panas.

Matudtud ku mu saguli, nganang sumabi, magpaynawa at magtamimi. Oneng kabang matudtud ya, datang ing kakaluluan a mengaring tulisan.

Anak ko, pamintuan mu ing yuyutus nang tata mu keka at e mu kakalinguan ing turu nang ima mu. Idukit mu la king pusu mu at ikwintas king kekang batal.