Popular Bible Verses from Ecclesiastes 4

Share

Mas mayap la ding adua kesa king metung uling mas dakal la apagobran. Nung misakab ya ing metung, asaupan neng talakad ning kayabe na. Itang yang dili na, nung misakab ya, alang sumaup king pangasakab na.

Nung adaig ne ning metung a tau ing metung munamang tau lalu reng adaig deng adua. Ing lubid a pengatluan masakit yang pataran.

Nung marimla ing panaun, malyari lang misiping ban e la dimla. Wa, e mu alisian ing dimla nung magdili-dili ka.

Mapalyaring iti tutu, oneng mas mayap ing atin kang ditak a kabiayan a ating kapanatagan a lub kesa king adua kang gamat magobrang alang patugut at darakap king angin.

Apansinan ku munaman king pakigisanan na ning tau ing gelingan na king pamagobra, uli na ning karirian ne ing kasiping nang bale. Iti ala munamang kabaldugan; anti kang darakap king angin.

Mas mayap ya ing pakakalulu at biasang kayanakan kesa king ari a matua at mangmang a e na bisang tanggap payu.