Popular Bible Verses from 1 Korintiyen 13

Share

Ɗəffan də əŋgla waɓəs wənnet ɗiiyi, əŋgla zəga mogoni, əŋgla awla saha aket ɗiiyi. Aɗɗa kotorok ɓa, aw gakdakan zən ɓa, awkaɓ gən zən ɓa. Ɗəf məs də əŋgla aɗɗa zəga na wil ɓa, awsan məzəmbana ɓa, awda gədəv go'ləŋ ɓa, ɗəf məs dəgəɗ sən mambray aŋɗan ɓa.

Ɗəf məs də əŋgla, waɓəs zəga pakə, ətaf nani də məs adaɗum nawga, də əɓəs nani pak avir sən na ɓa.

Zən awsan nek də mambray ɓa, Amma say də goŋga adawsan zən neki.

Kakaŋ na zəgeɗ tahəŋ hoku: Ətafa əga zəga nani, də əŋgla. Amma əŋglayi dədaykiyit pakə.

Əŋgla nan wasan ha faɗə. Əpel net məs kleŋɗe də əpel də ma na əmpəs pak wagrakə, wəsən bo wazə.

An nəsənək zəga ha in əpel də ma net ɗii diiɗa gəm də met maslayɗe pakə, amma an əntat də əŋgla ɓa, naw nəgilik va matondoloŋ walla va wewewe məɗiyaŋ geŋgere ɗarə.

An məvayi tive narban labara na Maŋgəlva, walla an nəsənək wən məɗama na Maŋgəlva pakə, an əntat də ətaf ha in zar gən gərəm dəndən, an əntat də əŋgla ɓa, asna nəkpaŋgək zəga ɗarə.

Ko an nuɗakanək arya naw pak sit məs saheŋɗe, ko an nətafək əzla zuwa vi ətaf nawa, amma an əntat də əŋgla ɓa, də as pak atər suna wəray ɓa.

Daga nəsaw muzliya əntatə pel va muzliya, əɗum naw pak va muzliya, əɗɗa zəga naw pak va muzliya. Kakaŋ na ɗəf metiŋ nani, ndəni nəppan wənna muzliya.