Popular Bible Verses from Yowann 21

Share

Ytho wosa i dhe dhybri, yn-medh Yesu dhe Simon Peder, ‘Simon mab Yowann, esos ta jy orth ow hara vy moy es an re ma?’ Yn-medh ev dhodho, ‘Ya, Arloedh, ty a woer my dhe'th kara.’ Yn-medh ev dhodho, ‘Gwith war ow eyn.’ Yn-medh ev dhodho arta, nessa gweyth, ‘Simon mab Yowann, esos ta jy orth ow hara vy?’ Yn-medh ev dhodho, ‘Ya, Arloedh, ty a woer my dhe'th kara.’ Yn-medh ev dhodho, ‘Gwra bugelya ow deves.’ Y'n tressa treveth yn-medh ev dhodho, ‘Simon mab Yowann, esos ta jy orth ow hara vy?’ Peder a gemmeras duwon, rag ev dhe leverel dhodho y'n tressa treveth, ‘Esos ta jy orth ow hara vy?’ Yn-medh ev dhodho, ‘Arloedh, ty a woer pup-tra, ty a woer my dhe'th kara.’ Yn-medh ev dhodho, ‘Mag ow deves.

Yn hwir, yn hwir y lavarav dhis, pan es yowynk omwrogysa a wres ha kerdhes plepynag y fynnes; mes pan vydhydh koth, ty a ystynn dha dhiwleuv, ha den arall a wra dha wrogysa ha dha dhoen dhe dyller na vynnydh.’

Yn-medh ev dhedha, ‘Tewlewgh an roes dhe du dyghow an gorhel ha hwi a gyv.’ Ytho i a dewlis, ha lemmyn ny allsons hy thenna drefenn myns an puskes.

Simon Peder a leveris dhedha, ‘My a dhe byskessa.’ Yn-medhons i dhodho, ‘Ni ynwedh a dheu genes.’ I eth yn-mes ha mos dihwans y'n gorhel; hag y'n nos na ny gavsons travyth.