Popular Bible Verses from Breusysi 16

Share

Ena hi a leveris, ‘Ottensi an Filistysi warnas, Samson!’ Pan dhifunas ev a dybis, ‘My a wra mos yn-mes par dell wren yn prysyow erell hag omshakya rydh.’ Mes ny wodhya y hwrussa an ARLOEDH y asa.

Ena Samson a elwis dhe'n ARLOEDH ha leverel, ‘Arloedh DUW porth kov ahanav ha'm krevhe unnweyth an prys ma, a Dhuw, rag may tylliv dial yn unn lamm war an Filistysi rag ow dewlagas.’

Ytho ev a dherivas dhedhi oll an kevrin, hag a leveris dhedhi, ‘Nevra ny dheuth altenn war ow fenn, rag my re beu Naziryas dhe Dhuw a dorr ow mamm. Mar pe gols ow fenn treghys dhe-ves, ena ow nerth a'm gassa; gyllys vien ha bos gwann, ha bos haval dhe bub den arall.’

Wor'tiwedh, wosa hi dh'y vrosa gans hy geryow dydh wosa dydh ha'y annia, y enev o skwith bys an mernans.

Ena Samson a leveris, ‘Gas vy dhe verwel gans an Filistysi.’ Ev a dennas gans oll y nerth; ha'n chi a goedhas war an wahalyethow hag oll an bobel esa ynno. Yndella an re a ladhas orth y vernans o moy es an re a ladhas der oll y vewnans.