Ena Gilead a gemmeras rysyow an Yordan erbynn Efraym. Peskweyth may leveri onan a'n fowesigyon a Efraym, ‘Gas vy dhe dreusi’, gwer Gilead a leveri dhodho, ‘Osta Efraymyas?’ Pan leveris, ‘Nag ov’, i a leveri, ‘Ytho lavar Shibboleth’ hag ev a leveri ‘Sibboleth’, rag ny wodhya y leverel yn ewn. Ena i a'n synsi ha'y ladha orth rysyow Yordan. Dew ha dew-ugens a vilyow a'n Efraymysi a goedhas y'n termyn na.